lunes, 22 de diciembre de 2025
Co obxectivo prioritario de promover a definición de proxectos empresariais integrais e colectivos para un conxunto de pemes, nos ámbitos da consolidación, modernización, deseño e innovación tecnolóxica e de xestión, a través de iniciativas impulsadas por organismos intermedios, o Igape vén de publicar as bases reguladoras das axudas para o Plan de Consolidación e Competitividade da Peme (PCCP), nunha convocatoria especial, dotada con 2 millóns de euros. Os interesados poderán presentar as súas solicitudes, que se resolverán polo sistema de concorrencia competitiva, desde hoxe, 30 de xuño, ata o próximo 8 de setembro.
O PCCP promove principalmente os proxectos de carácter colectivo impulsados por organismos intermedios, por estimar que son elementos de coordinación e multiplicación dos efectos dunha iniciativa para o conxunto de pemes participantes nos proxectos. Con todo, ao amparo destas bases tamén se contemplan apoios para actuacións individualizadas das pemes en diferentes eidos de actuación, con especial atención ao deseño industrial, a certificación da calidade ou xestión ambiental.
O PCCP está habitualmente cofinanciado polo Ministerio de Industria e a UE. Nesta convocatoria especial está dotado con fondos propios polo Igape, e ten como obxectivos xenéricos facilitar a modernización do tecido empresarial a través da innovación e da incorporación de novas tecnoloxías da información e das comunicacións. Esta convocatoria do Igape incorpora ademais medidas específicas de apoio á empresa familiar apoio á elaboracións de plans e protocolos de sucesión xeneracional- e á consultoría de apoio necesaria para impulsar a primeira expansión das pequenas empresas.
Pola súa tipoloxía, os proxectos colectivos apoiables no marco destas bases do PCCP para 2006 poden promover actuacións orientadas á incorporación da sociedade da información na xestión de colectivos de empresas; iniciativas de innovación de procesos para mellorar a xestión e a organización en grupos de pemes; impulso a redes interempresariais de cooperación, con proxectos para identificación de problemáticas comúns e determinación de solucións para faerlles fronte; proxectos colectivos de implantación de sistemas de calidade ou xestión medioambiental.
Dentro destas tipoloxías de proxectos de carácter colectivo, terán consideración de prioritarios os presentados por organizacións tipo clúster e, entre eles, os que prevexan o aproveitamento ou transmisión de mellores prácticas intra-clúster ou inter-clúster no eido da mellora da competitividade e da excelencia empresarial.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
