domingo, 8 de noviembre de 2026
O Consorcio Audiovisual de Galicia convoca, a través do Diario Oficial de Galicia, a terceira edición das axudas para a promoción de produtos audiovisuais a través de Internet. O obxectivo é apoiar a creación de páxinas webs de producións audiovisuais galegas. Trátase de potenciar un dos piares fundamentais do negocio cinematográfico en particular e do audiovisual, en xeral.
O orzamento destinado polo Consorcio a estas axudas é de 80.000 euros, 20.000 euros máis que na convocatoria anterior. Poderán acollerse todas aquelas accións realizadas entre o 1 de xaneiro de 2006 e o 30 de decembro e o prazo de solicitude abranguerá desde o día seguinte á publicación no DOG e ata o 1 de decembro deste ano.
Poden optar a estas axudas as empresas de produción cinematográfica independentes que estean legalmente constituídas en Galicia e con sede e domicilio fiscal na comunidade ou establecidas nun estado membro da UE con axencia permanente en Galicia.
Para acceder as subvencións deben presentarse proxectos de promoción e publicidade baseados en tecnoloxías on-line e que estean incluídos nos orzamentos de explotación das producións audiovisuais. Así mesmo, apoiaranse producións ou coproducións galegas.
No suposto de longametraxes, a participación económica da produtora galega deberá ser superior ao 30% do orzamento de produción e/ou posuir como mínimo o 20% dos dereitos de explotación da obra audiovisual, que deberá ser acreditado polo ICAA ou EGEDA. De tratarse doutras producións audiovisuais requirirase tamén a documentación que acredite a participación suficiente dunha produtora galega.
O importe das axudas non poderán superar en ningún caso o 40% do orzamento declarado, IVE excluído, establecéndose como cantidade máxima 9.000 euros por proxecto.
A obtención de solicitudes pode facerse a través da web www.consorcioaudiovisualdegalicia.org e a documentación deberá entregarse na sede do Consorcio (Rúa do Hórreo, 61).
Edicións anteriores
Desde a primeira convocatoria destas axudas, beneficíaronse un total de 19 proxectos pertencentes a 12 empresas galegas
No ano 2004 as empresas beneficiarias foron:
Filmanova, S.L.: web do O ano da carracha
Vía Láctea Filmes: Un bosque de música
Pórtico de Comunicaciones, S.L.: A promesa
Saga TV, S.L.: Lobos
Continental Producciones: A vida que che espera
Filmax: Gisaku; Donkey Xote; Nocturna
No 2005 incrementouse a cantidade inicial destinada a estas axudas por importe de 2.696,48 , ascendendo a un total de 62.696,48 , e concedéronse a:
Interacción, C.I.M., S.L.: O templo
DYR Producciones Audiovisuales: Munfeld
Ficción Producciones: Conversas co vento
Adivina Producciones: Un franco catorce pesetas e O neno do barro
Filmanova, S.A.: Hotel Tívoli
Continental Producciones: Para que non me esquezas e Heroína
Anxo Fernández Producciones, S.L.: El país de nomeacuerdo y O tren que me leva
Vaca Films: Cargo
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
