martes, 16 de diciembre de 2025
A Comisión Europea admitiu o plan de saneamento da Ría de Vigo presentado hoxe en Bruxelas por unha delegación do Goberno galego para facer fronte á sentenza do Tribunal de Xustiza da Comisión Europea (C-26/04 de 15 de decembro de 2005) que condena ao Reino de España por non ter adoptado un programa de redución da contaminación nesta área.
O secretario xeral de Relacións Exteriores, Santiago Gómez-Reino, asegurou trala xuntanza que os membros da Dirección Xeral de Medio Ambiente da Comisión valoraron este programa de actuacións e gabaron o traballo técnico do documento presentado pola Xunta nun tema que é moi complexo. Gómez-Reino destacou que ao longo da xuntanza desta mañá se manifestara de xeito recorrente que o problema da contaminación da Ría de Vigo é Vigo. De aí esa chamada que a Xunta de Galicia ten que facer á boa e leal colaboración de todas as administracións que teñen competencias sobre o problema para que o plan de actuación que se aprobe se execute, sentenciou. Concretamente, Gómez-Reino manifestou que é esperable que o Goberno de Vigo colabore a fondo coa Xunta e co Estado Español neste asunto.
Gómez-Reino indicou, así mesmo, que o outro aspecto no que insistiu a Comisión Europea é a aceleración dos prazos que manexamos nesta proposta. Neste sentido, indicou que a delegación do Goberno galego insistira en que a Xunta está disposta a facer un traballo técnico serio e impecable e iso necesita tempo para desenvolverse.
Na súa intervención, o secretario xeral de Relacións Exteriores expuxo que a Comisión non vai a poñer en marcha o procedemento que Levaría á multa, posto que está a estudar a fondo este documento para comprobar que se porá en marcha un plan de actuación para dar cumprimento á sentenza anterior.
Implicación do sector industrial
O director xeral de Desenvolvemento Sostible, Emilio Fernández Suárez, insistiu en que os membros da Comisión coinciden plenamente coa Xunta no diagnóstico de que o problema fundamental da Ría de Vigo é o tratamento das augas residuais da cidade de Vigo ao tempo que apuntou que dende a institución europea se mostra unha preocupación pola contaminación industrial e se pide unha implicación maior deste sector na solución deste problema.
Máis datos e traballo conxunto coa Comisión
Emilio Fernández remarcou que o plan de actuación presentado hoxe aínda está sendo estudado pola Comisión, dado que non rematou o proceso de análise das súas actuacións e que está aberto ás suxestións que achegue Bruxelas. Así mesmo, informou que o organismo comunitario valorou positivamente o realismo do plan e requiriu máis datos de depuración das augas residuais dos municipios que verten á Ría de Vigo, que a Xunta achegará nos vindeiros meses.
O director xeral augurou un período de estreitas relacións entre a Xunta e a Comisión para ultimar, antes de fin de ano, un plan de actuación definitivo. Fernández reiterou que a Comisión pide uns prazos máis axustados para o cumprimento desta programación e chamou á participación de todas as administracións para darlle cumprimento porque, segundo dixo, doutro xeito non conseguiriamos cumprir cuns prazos, e perder a confianza da Comisión
Delegación oficial
Participaron na xuntanza cos representantes da Comisión Europea o secretario xeral de Relacións Exteriores, Santiago Gómez-Reino; o director da Asesoría Xurídica Xeral da Xunta de Galicia, José Vicente Alvariño Alejandro; o director xeral de Orzamentos da Consellería de Economía e Facenda, Pedro Antonio Fernández; Manuela Fraguela Seoane da dirección xeral de Promoción Industrial e Sociedade da Información da Consellería de Innovación e Industria; o director xeral de Recursos Mariños da Consellería de Pesca, Francisco Fernández Cortés; o director xeral de Desenvolvemento Sostible da Consellería de Medio Ambiente, e mailo Director de Augas de Galicia, José Luis Romero Valeiras.
Plan de saneamento da Ría de Vigo
Este plan prevé un conxunto de medidas específicas de actuacións -a curto, medio e longo prazo- que acadan un investimento total en saneamento de arredor 125.048.000 euros, dependendo do custe final da nova depuradora de Vigo. O plan presentado hoxe inclúe un cronograma de actuacións, que deberán ser revisado e axustado cos membros da Comisión Europea nos vindeiros encontros.
O mapa vitivinícola galego artéllase arredor de cinco denominacións de orixe -Valdeorras, Ribeiro, Rías Baixas, Monterrei e Ribeira Sacra- e catro indicacións xeográficas protexidas -Terra de Betanzos, Ribeiras do Morrazo, Val do Miño-Ourense e Barbanza e Iria-, ademais das IXP específicas para bebidas espirituosas -Licor Café, Licor de Herbas, Orujo de Galicia e Augardente de Herbas-. Estes selos certifican a procedencia e o control rigoroso do proceso produtivo, reforzando a confianza do consumidor e permitindo que os produtos agroalimentarios galegos gañen presenza e competitividade nos mercados. A súa trazabilidade e garantía de calidade representan, en conxunto, a esencia do que identifica á Galicia Calidade.
O presidente da Xunta, Alfonso Rueda, informou hoxe de que o Executivo autonómico 'vai presentar alegacións' á proposta de planificación da rede de transporte eléctrica para o período 2025-2030 presentada polo Estado o pasado mes de outubro xa que 'apenas reserva un 2,8% do investimento total para Galicia'. Rueda resaltou que as comunidades necesitan 'infraestruturas eléctricas modernas e adaptadas á realidade actual do tecido industrial e ao crecemento previsto no futuro'. Nesta liña, lembrou que contar con estas instalacións 'é fundamental para o desenvolvemento económico das comunidades'.
