domingo, 8 de noviembre de 2026
O Centro Tecnolóxico da Carne (CTC) oferta ao longo deste exercicio doce cursos de formación profesional ocupacional co obxectivo de contribuir á profesionalización dos traballadores do sector alimentario. A realización destes cursos permite acadar uns coñecementos mínimos en canto á manipulación e control tanto dos produtos agroalimentarios en xeral como dos cárnicos en particular, ademais de fomentar o uso da tecnoloxía adecuada, o coñecemento básico da normativa vixente e o coidado do impacto ambiental que conlevan os distintos procesos de fabricación de alimentos.
A actividade formativa do Centro Tecnolóxico da Carne comenza o 29 de maio co inicio do curso de Técnico de Control da Calidade Alimentaria, que conta con 620 horas lectivas e rematará o 14 de novembro. Este curso vai dirixido a todos aqueles desempregados con estudos medios que estén interesados en formarse nas áreas de clasificación e análise dos alimentos, tanto a nivel teórico como práctico, xa que inclúe prácticas reais e visitas didácticas a distintas empresas. O CTC continuará coa súa labor formativa coa posta en marcha de dous cursos máis, Auxiliar de industrias alimentarias e Encargado de industrias alimentarias, o vindeiro 19 de xuño.
O curso de Auxiliar de industrias alimentarias vai enfocado á realización de tarefas relativas á recepción e clasificación de materias primas, procesos de elaboración, envasado e almacenaxe de produtos alimentarios, axudando a determinar as súas calidades e valor nutritivo mediante o uso das técnicas adecuadas. Pola súa banda, o curso de Encargado de industrias alimentarias ofrece os coñecementos precisos para coordinar e controlar os procesos produtivos na industria alimentaria e dirixir aos empregados ao seu cargo, tendo en conta a normativa laboral vixente e esixindo o cumplimento das normas de Seguridade e Hixiene.
O CTC impartirá nove cursos máis ao longo deste ano co obxectivo de mellorar a cualificación profesional dos traballadores do sector agroalimentario, así como a seguridade medioambiental. Destes xeito, darán comenzo nos vindeiros meses os cursos de Auxiliar de superficies alimentarias, Novas tecnoloxías aplicadas ao despece cárnico, Envasador de produtos cárnicos e derivados, Operario de carnicería, Novas técnoloxías aplicadas ás operacións da cadea de sacrificio de matadoiros, Operario da cadea de sacrifico de matadoiros, Auxiliar de laboratorio, Especialista catador de produtos aliementarios e Novas tecnoloxías aplicadas á ocupación de carniceiro.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
