miércoles, 23 de julio de 2025
O presidente da Xunta, Manuel Fraga inaugurou o centro comarcal de Valdeorras. O novo edificio dará resposta as necesidades dos veciños e contribuirá ao progreso dos diferentes concellos que engloba a comarca. Do mesmo xeito, servirá de apoio para as pequenas e medianas empresas que desenvolven a súa actividade na mencionada comarca ourensá.
O novo edificio atópase preto do núcleo urbano do Barco de Valdeorras e tamén prestará servizo aos os concellos de Vilamartín de Valdeorras, O Bolo, Carballeda de Valdeorras, Larouco, Petín, Rubiá, A Rúa e A Veiga.
O terreo sobre o que se asenta o novo centro comarcal foi cedido polo concello do Barco de Valdeorras. A construción do equipamento contou cun investimento total de 1.300.000 euros. A obra, promovida pola Consellería de Política Agroalimentaria e Desenvolvemento Rural, dará cabida as asociacións veciñais, e utilizarase como exhibidor dos productos locais, entre outras posibilidades. Ó mesmo tempo, nas salas do edificio daráselle cabida a diferentes actividades artísticas e culturais promovidas na localidade.
Luís Pérez de Juan Romero foi o arquiteto encargado de levar a obra cara adiante. Decantouse por dividir o centro comarcal en varios espazos que acollerán múltiples exposicións permanentes e temporais, unha sala de usos múltiples, un centro de novas tecnoloxías e un punto de información e atención ao visitante.
Manuel Fraga agradeceu o esforzo a todos aqueles que contribuíron na construcción do edificio, e resaltou a especial participación dos alcaldes dos concellos da Comarca que se implicaron de cheo no proxecto da Fundación Comarcal.
PROGRAMA:
A inauguración do centro comarcal de Valdeorras reuniu no mencionado concello ourensá a diferentes alcaldes da Comarca.
O mandatario galego expuxo no seu discurso as características do novo centro así como as numerosas vantaxes que suporá para a poboación da zona a construción do edificio. Este novo Centro Comarcal converterase no gran escaparate desta comarca e da súa xente, dará resposta ás necesidades dos veciños e contribuirá ao progreso dos concellos desta comarca, afirmou o presidente da Xunta.
Manuel Fraga lembrou no seu discurso que a inauguración deste novo centro comarcal se enmarca no Plan de Desenvolvemento Comarcal posto en marcha en 1991. O fin último deste proxecto consiste en potenciar os recursos da Comunidade Autónoma, resaltando os aspectos máis competitivos de Galicia. Na busca deste obxetivo, iniciouse a construción dunha rede de Centros Comarcais que pretenden potenciar os diferentes recursos existentes en cada zona.
INTERVENCIÓN DO PRESIDENTE DA XUNTA NA INAUGURACIÓN DO CENTRO COMARCAL DE VALDEORRAS
EXTRACTO:
- Para potenciar os recursos da nosa Comunidade, a Xunta de Galicia puxo en marcha en 1991 o Plan de Desenvolvemento Comarcal. Foi unha experiencia daquela pioneira en Europa, e con ela pretendeuse favorecer os eidos máis competitivos de Galicia, contribuíndo deste xeito ao desenvolvemento dos concellos.
- O Centro Comarcal e Valdeorras (...) reafirma e materializa a identidade comarcal. A súa finalidade é promover os recursos comarcais e servir de apoio para as pequenas e medianas empresas.
- O novo Centro Comarcal de Valdeorras, engloba aos concellos de Vilamartín de Valdeorras, O Bolo, Carballeda de Valdeorras, Larouco, Petín, Rubiá, A Veiga e este de O Barco de Valdeorras, onde se localiza a edificación.
- Este centro comarcal está promovido pola Consellería de Política Agroalimentaria e Desenvolvemento rural, mentres que o edificio (...) e os terreos nos que se empraza foron cedidos polo Concello do Barco de Valdeorras.
- O orzamento dedicado a esta obra foi de preto de 950.000 euros e o do seu equipamento de 350.000, polo que a inversión total se achega a 1.300.000 euros.
- O arquitecto encargado das obras neste amplo edificio foi Luís Pérez de Juan Romero, que sitou neste centro comarcal distintos espazos, entre os que se atopa unha sala de exposicións permanentes e outra de exposicións temporais, unha sala de usos múltiples, un centro de novas tecnoloxías e un punto de información e atención ao visitante.
O pregón da romaxe terá lugar no exterior da Casa da Cultura do Vicedo ás 20.30 horas do venres, e correrá a cargo do actor e guía turístico Suso Martínez. A actividade continuará nas rúas da localidade con música, combates e exhibicións a cargo das asociacións de recreación histórica Cabaleiros Rías Altas, Hípica Celta, Gandalf e Caballeros Bergidum Templi. O escenario do sábado será a praia de Area Grande de San Román, que acolle os campamentos viquingo e cristián e as numerosas actividades que se sucederán ao longo da xornada, como obradoiros, pintacaras, xogos tradicionais, clase de runas, talleres de coiro, contacontos ou un concurso para premiar as mellores caracterizacións.
Do total das 21 etapas que compoñen esta edición de La Vuelta , tres desenvolveranse por solo galego. En concreto, o paso por Galicia deste certame será entre o 7 e o 10 de setembro. O día 7, na etapa 15, o grupo de competidores entrará na comunidade desde Asturias, no tramo A Veiga/Vegadeo-Monforte de Lemos. Tras dunha xornada de descanso, a competición retómase o día 9 coa etapa 16, que vai de Poio a Mos -rematando en concreto no Castro de Herville-. O día 10 de setembro, La Vuelta despídese da comunidade galega coa etapa 17, que por primeira vez sairá desde O Barco de Valdeorras para chegar, 143 quilómetros despois, ao Alto de El Morredero, xa en Ponferrada.
