lunes, 5 de mayo de 2025
A Asociación para a Defensa Ecolóxica de Galiza (ADEGA) e a Confederación Galega de Minusválidos (COGAMI) presentaron en conferencia de prensa, o manifesto Mobilidade Sostenible e para todos/as, iniciativa enmarcada na celebración da Semana Europea da Mobilidade, dedicada este ano á acesibilidade por ser 2003 Ano Europeo das Persoas con Discapacidades.
O manifesto, que se pode ler en http://www.adegagaliza.org/, vai dirixido á cidadania en xeral, mais especialmente ás Administracións e entidades particulares a traballar no campo do transporte e a mobilidade, ás que se demanda unha análise e superación dos problemas de mobilidade que a configuración arquitectónica das nosas cidades e vilas supón para o conxunto da poboación, prestando especial atención ós grupos sociais cunha mobilidade disminuída, como é o caso dos colectivos con discapacidades físicas, intelectuais, sensoriais ou enfermidades mentais, asi como nenos/as e maiores.
Os asinantes denuncian o que achan o principal problema urbano actual: a tiranía do automóbil, tanto pola contaminación atmosférica, acústica e visual deste, como polo feito de que as infraestruturas a el asociadas funcionan como barreiras físicas e psicolóxicas.
ADEGA e COGAMI defenden que a planificación dunha mobilidade sostenible pasa ineludiblemente por facilitar a acesibilidade a todos os grupos sociais sen nengún tipo de discriminación. Apostan pola eliminación de toda barreira física e a promoción dun transporte público axeitado a todos/as co obxectivo de fazermos cidades e vilas para vivir.
A obra Hombre y joven marinero (1929), do poeta e artista Federico García Lorca e pertencente á colección da Fundación Pública Galega Camilo José Cela, formará parte da exposición internacional The First Homosexuals, que se inaugurará o 2 de maio no prestixioso espazo Wrightwood 659 de Chicago. Trátase dunha mostra que reúne máis de 250 obras que documentan as primeiras representacións artísticas da homosexualidade no panorama internacional posterior a 1869. A Fundación Camilo José Cela continúa así co seu labor de conservación, difusión e proxección internacional do seu valioso fondo artístico e documental, favorecendo o diálogo cultural arredor dunha das figuras máis senlleiras da literatura e da arte do século XX.
A figura e o legado de Alfonso Daniel Rodríguez Castelao será divulgada a través dunha decena de publicacións ao longo deste 2025, dentro das accións da programación do Ano Castelo, co que o Goberno galego conmemora o 75 aniversario dunha das figuras máis senlleiras de Galicia. Entre elas estarán 'Celebrando a Castelao. O artista polifacético', de Rubén de Lis, dúas edicións da emblemática obra teatral 'Os vellos non deben de namorarse', os discursos institucionais de Castelao (da man da Fundación Castelao) ou a dixitalización da documentación sobre o Estatuto de 1936 (en colaboración co Instituto Padre Sarmiento).
