Notas de prensa

O Congreso USTS 2026 converte Compostela en capital da investigación arredor dos láseres ultrarrápidos

A sexta edición de Ultrafast Science and Technology Spain 2026 botou a andar este mércores 18 na USC. O foro que se estende ata o venres 20 reúne persoal investigador e empresas cuxas áreas de desenvolvemento, innovación e investigación atópanse vinculadas ao ámbito dos láseres ultrarrápidos e ás súas aplicacións na Física, a Química, a Medicina ou a Ciencia dos Materiais.

A sede do Instituto Galego de Física de Altas Enerxías (IGFAE) acolleu a sesión de apertura presidida pola reitora da USC, Rosa M. Crujeiras, quen lembrou que encontros como este “permiten que o noso estudantado vexa a ciencia mentres se está a construír, e recórdanos que investir no coñecemento básico é investir no futuro”.

Nesta mesma liña se pronunciou a catedrática da USC e presidenta do comité local organizador do Congreso USTS 2026, Maite Flores Arias, quen destacou a relevancia dun foro no que se promoverá a colaboración nos ámbitos do procesado ultrarrápido de materiais, a química e a dinámica molecular, a biofísica, a aceleración de partículas, a física de plasmas e a ciencia e tecnoloxía cuánticas.

Tamén interviñeron no acto inaugural José Alberto Díez de Castro, secretario xeral de Universidades da Xunta de Galicia; e Crina Cojocaru, presidenta do Grupo Especializado de Láseres Ultrarrápidos da Real Sociedad Española de Física, entidade impulsora do evento.

O foro está organizado tamén polo IGFAE e polo Instituto de Materiais (iMATUS) da USC coa colaboración da Sociedad Española de Óptica, o Centro de Láseres Pulsados e a Asociación Científica de Óptica e Fotónica de Santiago.

Universidade de Santiago de Compostela (USC), 2026-11-18

Actualidad

Foto del resto de noticias (agro-tractor.jpg) A conselleira do Medio Rural, María José Gómez, reclamou en Bruxelas 'financiamento suficiente, estabilidade e seguridade' para a nova PAC. Foi durante a súa intervención no evento da Coalición Agriregions, no Comité Europeo das Rexións, no que estivo acompañada polo director xeral da PAC e do Control da Cadea Alimentaria, Juan José Cerviño. Na organización da xornada tomou parte a Fundación Galicia Europa, que prestou apoio técnico á delegación galega na capital comunitaria para participar nesta reunión conxunta con membros do Parlamento Europeo e do devandito Comité das Rexións.
Foto de la tercera plana (festival.jpg) O ciclo 'Primeira Fila' fomentará a visibilidade de novos talentos musicais, impulsado pola Fábrica de Chocolate co obxectivo de apoiar a proxección de artistas e bandas e facilitar o seu encontro co público nas salas de concertos de Galicia. O ciclo, que arrincou en maio e xa percorreu as salas de Melide e Santiago de Compostela, continuará en xaneiro con sete novas propostas. A actividade retomarase o 21 de xaneiro en La Conservera, (Viveiro), con 9Louro e Monoulious DOP. No mesmo espazo actuarán Eladio y los Seres Queridos e Capital Voskov, o 13 de febreiro, así como Marisa Valle Roso, o día 20. O 20 de febreiro Taïn ofrecerá un concerto na Sala Jagger, en Lugo, mentres que Santi Araújo estará o 27 de febreiro na Sala Arca de Noé, en Vilar de Santos.

Notas

A sexta edición de Ultrafast Science and Technology Spain 2026 botou a andar este mércores 18 na USC. O foro que se estende ata o venres 20 reúne persoal investigador e empresas cuxas áreas de desenvolvemento, innovación e investigación atópanse vinculadas ao ámbito dos láseres ultrarrápidos e ás súas aplicacións na Física, a Química, a Medicina ou a Ciencia dos Materiais.
Conformado por seis estudantes de Belas Artes e unha alumna de Comunicación, o colectivo Recanto asumiu neste curso a coordinación da Sala O Abrigo, onde nestas semanas preséntanse tamén como artistas a través da mostra colectiva 'Dentro dun espazo maior'. Articulada arredor do significado da súa propia denominación, esta exposición levounos a construír o seu propio 'recanto' dentro deste espazo da Facultade de Belas Artes da UVigo.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES