lunes, 7 de septiembre de 2026
A programación arrancará o 5 de setembro na igrexa de San Tomé de Monteagudo, en Arteixo, coa actuación de Le Miroir de Musique. Continuará o 12 de setembro no Teatro-Cine Alfonsetti de Betanzos con Das Kolorit; o 19 de setembro, no santuario da Nosa Señora da Laxe de Vilasantar, con Reïna Lupa; o 26 de setembro, na igrexa de Santiago da Pobra do Deán, na Pobra do Caramiñal, con Sara Ruiz; e o 27 de setembro, no Forno do Forte de Malpica de Bergantiños, co Dúo Abeiro. O 3 de outubro, Grupo 1500 ofrecerá o último concerto da programación galega na igrexa de San Nicolao de Cis, en Oza-Cesuras.
O ciclo concluirá o 8 de outubro en Viena coa terceira edición do Serán Galego en Viena (Galicische Nacht in Wien), unha iniciativa froito da cooperación entre Espazos Sonoros e Sargfabrik que contribúe a difundir a creación musical galega nun contexto internacional.
O deputado de Patrimonio, Xosé Penas, destacou que Espazos Sonoros é "un proxecto plenamente consolidado no panorama estatal", que combina excelencia artÃstica e posta en valor do patrimonio como ferramenta de dinamización cultural e social do territorio. "É un festival cunha identidade propia, afastado das modas e dos grandes eventos masivos, que aposta por outra maneira de vivir a música e de achegarse ao patrimonio", sinalou.
Penas subliñou tamén o compromiso da Deputación cun modelo cultural que "prioriza a calidade, a creación de públicos e a apertura do patrimonio á cidadanÃa", ao tempo que reivindicou a necesidade de apoiar proxectos estables que dean visibilidade tanto aos artistas galegos como ás propostas internacionais. Neste sentido, puxo en valor a continuidade da colaboración con Sargfabrik, que permitirá que o festival chegue por terceiro ano consecutivo a Viena e continúe ampliando a súa proxección europea.
O deputado incidiu ademais na importancia da cooperación entre institucións para facer posible iniciativas deste tipo e agradeceu o traballo da dirección artÃstica e de todo o equipo de Espazos Sonoros, "un proxecto que comeza a prepararse cando remata a edición anterior e que é posible grazas á implicación e ao coñecemento das persoas que o fan realidade".
Actividades
Como en edicións anteriores, cada concerto irá acompañado dunha proposta do programa "Coñece o teu patrimonio", que permitirá descubrir a historia e os valores culturais de cada enclave. O público poderá participar nunha visita guiada á igrexa de San Tomé de Monteagudo; nun percorrido polo Betanzos monumental; nun paseo polos muÃños do rÃo das Gándaras, en Vilasantar; na ruta "A Pobra de Valle-Inclán: un paseo entre historia e literatura"; nunha visita ao Forno do Forte centrada na tradición oleira; e nun percorrido narrado por Quico Cadaval arredor da igrexa de Santa MarÃa de CuÃña, en Oza-Cesuras.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, sÃmbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao perÃodo lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantÃs.
