
O programa científico do evento inclúe 15 conferencias semi-plenarias, 12 pósters, catro mesas redondas, 69 seminarios e tres conferencias plenarias, que estarán impartidas por Karen Corrigan (Universidade de Newcastle, Reino Unido), especialista en lingüística de corpus e dixitalización de ciencia aberta; Jopi Nyman (Universidade de Finlandia Oriental, Finlandia), unha das figuras chave nos estudos de fronteira na literatura actual; e a autora escocesa A. L. Kennedy, galardoada, entre outros, cos premios literarios Lannan, Costa, Heinrich Heine e Somerset Maugham. O congreso tamén acolle unha nova edición do Doctoral Symposium da asociación onde persoal investigador novel presentará os seus proxectos.
O comité organizador de ESSE está integrado por 16 docentes do Departamento de Filoloxía Inglesa e Alemá da USC. Ademais do apoio de ESSE, das 33 asociacións nacionais de países europeos que a conforman, o congreso ESSE2026 conta coa colaboración da Secretaría Xeral de Turismo e a Secretaría Xeral de Política Lingüística da Xunta de Galicia, o Consello da Cultura Galega e o Concello de Santiago de Compostela. Tamén forman parte da organización os grupos de investigación do Departamento de Filoloxía Inglesa e Alemá da USC Applied Linguistics to the Teaching and Learning of English, Translation and Textual Design, Discourse & Identity, Variation, Linguistic Change and Grammaticalization e os proxectos English in Social Media. Theoretical and Applied Perspectives (PID2021-122267NB-I00), Posthuman Intersections in Irish and Galician Literatures (PID2022-136251NB-I00) e Eco-Refugees: Borders and (Non-) Human Mobility in Literature in English (PID2024-157339NB-I00, MICIU/AEI/10.13039/ 501100011033 / FEDER, EU).
Celébrase o XIV pleno do Consello de Comunidades Galegas, do que sairá elixida a súa nova Comisión Delegada, composta por 13 entidades de España, Europa e América, coa misión de traballar polos intereses dos galegos na diáspora durante os vindeiros tres anos. Na inauguración do Consello foron homenaxeados catro galegos pola súa contribución a estreitar lazos entre Galicia e o Brasil. Os recoñecidos son a presidenta da Sociedade Hispano Brasileira de Socorros Mútuos e Instruçao, María Dolores Daparte; o presidente da Sociedade de Socorros Mútuos e Beneficiente Rosalía de Castro, Casto Vieites; a expresidenta da asociación Recreo de Anciáns da Vellez Desamparada, Regina Jallas, e a voluntaria e colaboradora da Asociación Cultural Hispano-gallega Caballeros de Santiago, de Salvador de Bahía, Lourdes Valencia.
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.