miércoles, 4 de marzo de 2026
O obxectivo da xuntanza era fomentar a colaboración e a xeración de sinerxías entre persoal, grupos e centros de investigación dos tres campus, empregando a aplicación da intelixencia artificial como fío condutor, e promover proxectos de investigación conxunta. Na apertura do evento, Belén Rubio, vicerreitora de Investigación, Transferencia e Innovación da UVigo, e Martín Llamas Nistal, director de atlanTTic, destacaron a importancia de promover a colaboración e a xeración de proxectos conxuntos que poidan contribuír a resolver desafíos complexos mediante o uso de novas tecnoloxías como a IA. Ambos coincidiron en que a IA é unha ferramenta poderosa que debe ser utilizada de maneira colaborativa e interdisciplinar, para maximizar o seu potencial e mellorar os resultados das investigacións.
Debate sobre retos e problemas futuros
Varios expertos e expertas en IA encargáronse de presentar os seus grupos de investigación e as súas capacidades, como Francisco Javier González Castaño, Rebeca P. Díaz Redondo, José Luis Alba Castro, Alberto Gil Solla e Manuel J. Fernández Iglesias, investigadores de atlanTTic e docentes da Escola de Enxeñaría de Telecomunicación, e Arno Formella, investigador do Instituto de Física e Ciencias Aeroespaciais e docente da Escola Superior de Enxeñaría Informática.
A continuación, estes mesmos expertos foron os responsables de dirixir os grupos de traballo que analizaron as futuras oportunidades de colaboración e puxeron de manifesto como a IA pode ser aplicada en diferentes disciplinas, desde as ciencias sociais ata as ciencias da saúde e a enxeñaría.
A xornada concluíu coa posta en común das principais reflexións e inquedanzas sobre a importancia de seguir avanzando na integración da IA en diferentes campos do coñecemento, ao tempo que se destacaron as oportunidades que xorden ao traballar de forma multidisciplinar.
Un paso máis na aposta pola IA
Nos últimos tempos a intelixencia artificial consolidouse como un pilar fundamental na evolución tecnolóxica actual, actuando como un vector transversal que impulsa avances significativos en diversos sectores. Neste contexto, o centro de investigación atlanTTic integra a intelixencia artificial de maneira holística na súa actividade, aplicándoa en ámbitos diversos como a saúde e coidados, industria, comunicacións ou ciberseguridade e permitindo abordar problemas complexos desde múltiples perspectivas, fomentando a colaboración entre disciplinas e a xeración de solucións innovadoras.
Este encontro representa un paso máis na aposta da Universidade de Vigo por posicionarse como referente na investigación na IA de vangarda, particularmente na aplicación da intelixencia artificial na investigación científica e na innovación tecnolóxica.
A directora da Axencia Galega de Innovación, Carmen Cotelo, participou esta mañá nunha mesa redonda sobre tecnoloxías cuánticas organizada por Telefónica no marco do Mobile World Congress, o maior evento mundial en conectividade. Nesta sesión, baixo o título Telefónica Quantum Telco: o teu partner de referencia para a cuántica aplicada e centrada na presentación da estratexia global de Telefónica en tecnoloxías cuánticas aplicadas, a representante da Xunta de Galicia afirmou que a aposta temperá e continuada da nosa Comunidade por estas tecnoloxías responde ao obxectivo de converter a Galicia nun nodo de referencia neste ámbito no sur de Europa.
Dancingalicia está aberto a grupos, solistas, dúos e tríos e abrangue disciplinas como a danza clásica -ballet clásico, neoclásico e repertorio-, lírica -danza contemporánea, lírica e jazz lírico-, fusión -jazz, show-dance, baile moderno, etc.- e acro, modalidade na que predominan os elementos acrobáticos dentro da coreografía. A organización prevé que a edición de 2026 supere as cifras de participación e asistencia de anos anteriores.
