sábado, 10 de octubre de 2026
A investigación do grupo SUPREN diríxese cara á xeración de sistemas autoensamblados que respondan a estímulos como a luz. As súas principais liñas de investigación son o estudo de sistemas host-guest con resposta a estímulos externos e procesos de autoensamblaxe para a súa implementación en máquinas moleculares, catalizadores intelixentes e sistemas de liberación controlada de fármacos.
Aproveitando unha combinación de reaccións fotoquímicas (inducidas por luz) e procesos de autoensamblaxe, lograron insertar unha molécula lineal na cavidade dunha molécula en forma de anel, adoptando unha xeometría de alta enerxía que non é posible no equilibrio termodinámico. Noutras palabras, a luz permite crear unha ensamblaxe molecular que, doutro modo, sería inaccesible.
A autoensamblaxe de compoñentes moleculares para obter sistemas e materiais con estruturas a escala nanométrica (1 nanómetro = 1 milmillonésima de metro) é un dos procesos básicos da nanotecnoloxía.
Este mecanismo de autoensamblaxe acoplado a una reacción fotoquímica permite aproveitar a enerxía da luz para acumular produtos inestables, abrindo o camiño a novas metodoloxías de síntese química e ao desenvolvemento de materiais moleculares dinámicos e dispositivos (por exemplo, nanomotores) que operen en condicións fóra de equilibrio, de maneira semellante aos seres vivos.
Con este método innovador poderíanse crear novas sustancias capaces de responder a estímulos e interactuar coa contorna. Estas sustancias poderían empregarse para xerar medicamentos intelixentes e materiais activos.
Sobre o CICA
O Centro Interdisciplinar de Química e Bioloxía creouse na Universidade da Coruña en 2015 como un centro de investigación de ciencias avanzadas que, na actualidade, conta con máis de 200 investigadores e investigadoras organizados en tres áreas científicas, que van desde a Biomedicina ata a Ciencia dos Materiais.
Desde 2024, o CICA conta co recoñecemento CIGUS da Xunta de Galicia, que acredita a calidade e impacto da súa investigación.
A excelencia investigadora, a transferencia tecnolóxica e a transmisión de coñecemento á sociedade forman os tres piares sobre os que se fundamenta o centro de investigación. O CICA é recoñecido pola atracción de talento, a visibilidade da muller científica e a promoción da igualdade de xénero, contando cunha presenza feminina superior ao 50%.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
