sábado, 8 de agosto de 2026
Cun financiamento de máis de 8 millóns de euros, enmárcase no Programa Marco Horizonte Europa, e pretende abordar o talón de Aquiles da IA: a eficiencia, seguridade e confianza. ACHILLES parte da idea de que unha vez que IA se integra na vida cotiá, aumenta a preocupación pola transparencia, o uso ético e o consumo enerxético.
Por iso, obxectivo básico é crear sistemas que non só sexan máis eficaces e eficientes, senón tamén eticamente responsables, transparentes e plenamente conformes coa normativa.
ACHILLES aborda estes retos introducindo formulacións innovadoras e apoiando o desenvolvemento de sistemas de IA máis lixeiros (máis sostibles e eficientes), máis claros (transparentes e fáciles de entender) e máis seguros (robustos e conformes ás normas éticas e xurídicas). Farao a través de aplicacións reais en diversos sectores, como a sanidade, a verificación de identidades, ou o ámbito farmacéutico.
Estes estudos de casos ilustrarán o impacto práctico de ACHILLES e a súa adopción en todos os sectores, demostrando a súa capacidade para apoiar o liderado de Europa nunha IA responsable e centrada nas persoas.
A participación de Universidade da Coruña a través dos investigadores de VARPA, posiciona novamente a Galicia e A Coruña como vangarda europea na utilización da IA de maneira non teórica, senón aplicada e fiable, en total consonancia coa nova regulación europea.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
