martes, 3 de noviembre de 2026
A cita está organizada pola Red Iberoamericana de Blockchain y Ciberseguridad (Ribci), vinculada ao Programa Iberoamericano de Ciencia y Tecnología para el Desarrollo (Cytec), que está formada por 26 grupos de once países, entre eles un equipo da Universidade de Vigo encabezado por Manuel Pérez Cota desde a ESEI. Concretamente, os obxectivos do simposio son crear un espazo para o intercambio de ideas e coñecementos entre especialistas e participantes e promover o diálogo intersectorial sobre o impacto e as aplicacións da tecnoloxía blockchain, tecnoloxía baseada nunha cadea de bloques de operacións descentralizada e pública. Tamén quere abordar os desafíos actuais en ciberseguridade e análise forense dixital e explorar as oportunidades de colaboración entre a academia, a industria e os formuladores de políticas.
O 2º Simposio Iberoamericano de Blockchain e Ciberseguridade quere, tal e como indican desde a súa organización, contribuír á industrialización inclusiva e sostible e á ciberseguridade, dentro de marcos normativos sólidos e equitativos, para o fortalecemento do capital humano e a transferencia aos sectores produtivos estratéxicos e de goberno nos países de Iberoamérica. Así, detallan como exemplo da pertinencia da celebración desta cita, aínda que no ámbito académico hai diversas investigacións sobre a aplicación de blockchain e ciberseguridade en diferentes sectores, cando se trata da xustiza e da cadea de valor dos agroalimentos, atópanse algúns estudos pero que se manteñen no plano de análise e exploración, sen chegar á implementación dunha aplicación a grande escala.
Do mito á realidade
O evento desenvólvese nun formato híbrido, ofrecendo a posibilidade de asistencia tanto presencial como en liña. Foi inaugurado por Francisco Javier Rodríguez Rajo, vicerreitor do Campus Ourense; Gonzalo Pérez Jácome, alcalde de Ourense; Arno Formella, director da Escola Superior de Enxeñaría Informática; Manuel Pérez Cota, catedrático en Linguaxes e Sistemas Informáticos da UVigo e presidente do simposio; Óscar Carlos Medina, presidente de Ribci, e Rafael Mayo, de Cytec. A conferencia plenaria correu a cargo de Jorge Pereira, presidente de Infosistema, que abordou a pregunta de se a ciberseguridade e o blockchain é un mito o unha realidade para as organizacións ibéricas.
Entre as 15 conferencias do simposio hai presentacións participadas xunto a outras entidades por persoal investigador da Universidade de Vigo, como unha proposta de incorporación da ciberseguridade na escola utilizando a intelixencia artificial e blockchain ou un estudo de caso aplicado á Red Iberoamericana de Blockchain y Ciberseguridad de transformación dixital no sector agroalimentario. Na xornada de arranque tamén se abordaron temas como a percepción dos contables sobre o uso destas tecnoloxías; o proxecto CyberSecIP ou a aplicación na trazabilidade sostible de alimentos ou en experiencias na Universidad Católica de Salta.
A actividade continuará o martes con, ademais de visitas institucionais, conferencias sobre temas como a xestión de riscos de ciberseguridade na industria; as tecnoloxías de rexistro distribuído; o blockchain e ciberseguridade en sistemas distribuídos e descentralizados; o rexistro seguro de evidencia dixital con esta tecnoloxía; as sinerxías entre a intelixencia humana e a artificial; os desafíos da inclusión financeira en zonas rurais de El Salvador mediante esta tecnoloxía ou as contribucións neste eido do ámbito militar.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
