martes, 3 de junio de 2025
A participación de 120 investigadores júnior consolidou o congreso como un foro clave para o intercambio de ideas e a presentación de avances no ámbito das TIC.
Durante a cerimonia de clausura, entregáronse 9 premios que recoñecen a excelencia nos traballos máis destacados do congreso. Cada galardón ten unha dotación económica de 300 euros. O Premio Fundación CITIC foi outorgado polo Comité Científico que avalía os proxectos presentados, mentres que os Premios Cluster TIC Galicia ao mellor póster e á mellor comunicación oral foron seleccionados mediante votación popular entre os asistentes. Así, resultaron gañadores:
- Mellor Comunicación Oral para Lara Pallas Quintela, Ángel Regueiro, Carlos Dafonte, Minia Manteiga, Raúl Santoveña e Daniel Garabato por Removing Reddening to Enhance Gaia's XP Spectra Clustering.
- Mellor Póster para Santiago Fernández-Noriega Balseiro, Iago Fernández Garrido, Jerónimo José Pardo Rodríguez, Laura Nieto Riveiro, Ángel Gómez e María Martínez Pérez por CuidaconTIC: Captura y utilización de datos de wearables para la calidad de vida en los cuidados.
- Premio Fundación CITIC para a investigación de María González e Hiram Varela sobre Simulation of fluid flow through composite materials.
- Premio CICAS-Sngular para Eliseo Bao, Anxo Pérez e Javier Parapar polo seu traballo titulado Adapting Large Language Models for Underrepresented Languages (Cabuxa, o ChatGpt galego).
- Premio ITG ao traballo Implementation of a User Anonymity Application using a Privacy-Preserving Entropy-as-a-Service with Quantum Security dos autores Iván Cillero Seijas, David Soler García, Francisco Javier Nóvoa Manuel, José Carlos Dafonte Vázquez, Ana Fernández Vilas e Manuel Fernández-Veiga.
- Premio Cátedra R para Pedro García Cereijo, Paula Fraga Lamas e Tiago M. Fernández Caramés pola súa investigación titulada Sistema de almacenamento seguro mediante IPFS e oráculos para aplicacións descentralizadas baseadas en blockchain.
- Premio Cátedra ALDABA-WIB (Women, ICT & Business) ao traballo Effectiveness of Virtual Reality in Reducing Public Speaking Anxiety: A Pilot Study de María Oliveira, Raquel Simões de Almeida, Paulo Veloso Gomes, João Donga, Bruno Teixeira, António Marques e Javier Pereira.
- Premio Cátedra NTT Data a Lucas Alonso de San Segundo e Adriana Dapena polo seu traballo titulado Aplicación para tablet para traballar as rutinas, o sentido do humor e a comprensión dos sentimentos a través de diferentes xogos en persoas con TEA.
- Premio CPEIG a Jorge Paz Ruza, Alex A. Freitas, Amparo Alonso Betanzos e Bertha Guijarro Berdiñas por "Aprendizaje Positivo sin Etiquetas para Identificar Nuevos Genes Relacionados con la Restricción Dietética".
O acto de clausura contou coa participación de diversas autoridades, como Jerónimo Puertas Agudo, vicerreitor de Investigación e Transferencia da Universidade da Coruña; Antonio del Corral, en representación do Clúster TIC Galicia; Juan Ignacio Borrego, concelleiro de Educación, Formación e Innovación Tecnolóxica do Concello da Coruña, Mariano Javier Cabrero Canosa, decano da Facultade de Informática da UDC; e Javier Pereira Loureiro, Subdirector do CITIC.
Temáticas abordadas
A través das 46 comunicacións orais e os 28 pósteres, o congreso abarcou unha ampla gama de temáticas de actualidade dentro do ámbito TIC. Entre os temas tratados, destacaron os avances en intelixencia artificial aplicada á análise de datos deportivos, tecnoloxías inmersivas para a formación en contornas complexas, e o uso de ferramentas dixitais para a mellora da calidade de vida en persoas con necesidades especiais. Tamén se abordaron cuestións clave como a preservación de linguas minoritarias a través de modelos de procesamento da linguaxe natural, e o desenvolvemento de novas metodoloxías baseadas en aprendizaxe automática aplicadas a áreas como a saúde dixital e a biotecnoloxía.
Estas investigacións reflicten o carácter interdisciplinar das TIC e o seu impacto en sectores tan diversos como o deporte, a saúde, a educación e a preservación cultural, destacando o potencial destas tecnoloxías para transformar e mellorar diversos aspectos da sociedade.
Gran participación
O VII Congreso XoveTIC supuxo un éxito tanto en participación como en calidade das contribucións. Os organizadores subliñaron o aumento do número de traballos, así como o elevado nivel das investigacións presentadas. O congreso consolídase, ademais, como un espazo fundamental para a formación de investigadores emerxentes e a promoción da colaboración entre a universidade e o sector empresarial, favorecendo a transferencia de coñecemento e a innovación tecnolóxica.
O músico norteamericano acumula, entre outros logros, catro discos de ouro, dous de platino e máis de seis millóns de discos vendidos en todo o mundo. A lista de recoñecementos que recibiu ao longo dos anos é tamén extensa: entre outros, un doutor Honoris Causa do prestixioso Berklee College of Music, o Premio Honorífico Miles Davis outorgado polo Festival de Jazz de Montreal, un Premio á Traxectoria da BBC outorgado por sir George Martin en 2008 ou numerosos nomeamentos e premios Grammy. Al Di Meola, un auténtico xenio da guitarra e un prolífico compositor, acumula máis de 30 álbums como líder, ademais de moitos outros onde participou, con figuras como o supergrupo de fusión Return to Forever, o célebre Guitar Trio ou o trío Rite of Strings.
O conselleiro de Sanidade, Antonio Gómez Caamaño, subliñou o novo fito acadado pola atención primaria galega ao conseguir cubrir a totalidade das prazas de formación convocadas para a especialidade de medicina e de enfermería comunitaria, un total de 260. Segundo explicou, 'Galicia terá a maior cobertura de prazas de formación en atención primaria dos últimos anos', ao lograr cubrir 207 prazas na especialidade de medicina familiar e comunitaria e outras 53 no ámbito da enfermería. Caamaño destacou que este feito amosa que as propostas trasladadas polo Goberno galego ao Ministerio de Sanidade eran medidas necesarias e acertadas.
