sábado, 7 de noviembre de 2026
Un cento de participantes entre persoal investigador, estudantado, orientadores/as, docentes e profesionais do ámbito da formación e do traballo de diferentes puntos de España, Portugal e outros paÃses daranse cita neste foro que se desenvolverá entre Ourense e Celanova.
“Queremos mostrar dende unha posición periférica as nosas preocupacións e achegar coñecemento novo sobre os avances da investigación e da práctica nestas temáticas”, explicou a presidenta do comité organizador e profesora da USC, Margarita Valcarce Fernández.
Asimesmo, tamén intervirán como relatores Antonio Rial, profesor Ad Honoren da Facultade de Ciencias da Educación da USC, e Joaquim LuÃs Coimbra, vicepresidente do Comité CientÃfico e pertencente á Facultade de PsicoloxÃa e Ciencias da Educación da Universidade de Porto. Eles serán os encargados da conferencia inaugural, mentres que o relatorio de clausura correrá a cargo do deseñador Roberto Verino.
Entre os obxectivos que persegue este foro atópanse o feito de identificar novos desafÃos na formación, orientación e inserción laboral das persoas, como consecuencia da interseccionalidade social, tecnolóxica e persoal; salientar necesidades da formación, orientación e emprego derivadas da devandita interseccionalidade; outorgar visibilidade ao potencial deste fenómeno, para lograr unha maior empregabilidade, na investigación sobre formación, orientación e inserción laboral; coñecer boas prácticas; debater sobre as posibilidades de futuro e sinalar liñas de acción, entre outros.
No acto de presentación que se desenvolveu este xoves 14, Jesús GarcÃa, secretario da Facultade de Ciencias da Educación, afirmou que “este congreso xa é decano na nosa Universidade”. “É moi destacable a traxectoria deste interese cientÃfico e académico que fai 23 anos; tamén é de gran relevancia porque serve de punto de encontro e atende o obxectivo de transferencia de coñecemento da Universidade para que chegue á sociedade; e por último porque este congreso permite tecer redes con institucións, organizacións e outras entidades nun ámbito tan sensible como é a formación e o emprego cun carácter transfronteirizo”, engadiu.
A presentación, que tivo lugar no Centro Cultural José Ãngel Valente de Ourense contou tamén coa participación de José Pedro Machado, subdelegado rexional do Norte do Instituto de Emprego e Formación Profesional; Marta Vázquez Guzmán, directora do Centro Galego de Innovación da Formación Profesional Eduardo Barreiros; e Rosendo Luis Fernández, deputado provincial en materia de Turismo. O Concello de Ourense tamén estivo representado polo tenente de Alcalde, Armando Ojea; e a concelleira de Educación e Xuventude, Tamara Silva. Tamén participou no acto a tenente de Alcalde do Concello de Celanova, Teresa Barge; Joaquim Luis Coimbra, vicepresidente do Comité CientÃfico; e o decano da Facultade de Educación e Traballo Social da Universidade de Vigo, Xosé Manuel Cid.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
