martes, 9 de junio de 2026
Segundo indican en nota de prensa desde a entidade, é imposible falar de sostibilidade sen referirse ao Pacto Verde Europeo, do mesmo xeito que é imposible abordar este green deal sen un dos seus puntos clave: o sector primario. Os obxectivos das accións previstas nel, detallan desde o Foro Económico de Galicia, son protexer o medio ambiente pero tamén garantir a produción de alimentos de calidade e sostibles, considerando igualmente que o aumento da agricultura e gandería ecolóxicas están a frear o cambio climático e a mellorar a saúde das persoas.
Visións do público e do privado
A xornada, titulada O futuro da agricultura ecolóxica en Galicia no marco do Pacto Verde Europeo, foi inaugurada por Emilio Pérez Nieto, presidente do Foro Económico de Galicia, e contou ao longo da mañá con tres relatorios. O primeiro, titulado Situación e retos da produción ecolóxica en Galicia no marco do Pacto Verde: temas de debate, contou coa participación do profesorado da Universidade de Santiago de Compostela, de Mar Pérez e David Soto. Se a primeira se centrou no futuro da gandería ecolóxica en Galicia o segundo apuntou datos como que en España o 53% da poboación consume produtos de agricultura ecolóxicos, sendo na UE a media do 83%.
A segunda intervención foi ofrecida, de xeito virtual, por Ricard Ramon i Sumoy, da Dirección Xeral de Agricultura e Desenvolvemento Rural da Comisión Europea, que falou sobre a produción ecolóxica no contexto das novas estratexias da UE. Entre outros aspectos, destacou na súa intervención que a UE aspira a que un 25% do cultivo sexa ecolóxico, fronte ao 8% actual. A última conferencia da mañá centrouse na produción galega, na realidade actual e perspectivas da agricultura e gandería ecolóxicas en Galicia, contando coas intervencións de Javier García, do Consello Regulador da Agricultura Ecolóxica de Galicia (CRAEGA); Xan Pouliquen, de Xestión Agrogandeira e Natureza, e Jorge Piñeiro, do FOGGA-Consellería do Medio Rural.
Pola tarde, escoitaranse as diferentes visións dos actores do sector sobre a situación actual e as perspectivas de futuro. Para iso, o Foro Económico de Galicia convidou a participar a Emilio Rial, de Coren; Xosé Luis Carreira, de Arqueixal; Román Sánchez, de A Carqueixa; Xosé Lois Lamazares, de Daveiga, e Cándido Martínez, da Cooperativa Árbore.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
