Notas de prensa

Presentado o Courel Son 2022, Jazz e Blues na Montaña

Organizado pola Asociación de Desenvolvemento Rural Serra do Caurel, e co apoio económico e institucional da área de Cultura da Deputación de Lugo, do Concello de Folgoso do Courel, do Plan Leader xestionado polo GDR Ribeira Sacra-Courel e, non menos importantes, de Radio Bogavante, piensos Bittal, Caixa Rural Galega, Fundación Uxío Novoneyra, AGCT ou a Sociedade Micolóxica Lucus, volta o CourelSon ás airas e aos soutos de Courel.

Ademais, durante os concertos ofreceránse aos asistentes productos da zona e, ao día seguinte dos mesmos, das mesmas airas que serviron de escenario, sairán pequenas rutas-paseos temáticos e interpretados, que serán dirixidos polos distintos axentes que traballan no territorio. Éstes serán os concertos, as datas e as localizacións; todos eles a partires das 20:30h.:

Lucía Martínez Cuarteto.
-Venres, 15 de Xullo, en Seoane do Courel: Lucía Martínez Cuarteto. A baterista, compositora, exploradora e mestra de jazz viguesa quizais co seu proxecto máis íntimo, aquel que se formou alá polo 2009 ao redor da escola de Jazz de Porto. O seu primeiro traballo xuntos, Soños e Delirios, foi recoñecido pola crítica naquel lonxano 2009 como unha das mellores grabacións do ano, un soplo de aire fresco no Jazz europeo. Hoxe, en 2022, Lucía Martínez Cuarteto veñen a presentar na Vila de Seoane Calma y Algo Más, novo traballo que está a piques de saír ao mercado. Nestes caseque 15 anos de actividade, moitos foron os escenarios europeos e mundais que levan pisado todos e cada un dos membros deste cuarteto con distintos proxectos ou con éste, o “seu”cuarteto.

Por unanimidade, mellor concerto para a crítica do pasado Festival de Vitoria-Gasteiz, poderíanse encher follas e máis follas falando e loubando a Lucía Martínez pero, quizais, o que máis podemos salientar é que Lucía Martínez soa, en todos e cada un dos seus proxectos, a Lucía Martínez; e é esa identidade, esa forte personalidade en todas e cada unha das súas actuacións ou composicións, a que nos fan ver que estamos ante unha auténtica figura do Jazz europeo.

Lucía Martínez Cuarteto son: Lucía Martínez: percusión, batería, electrónica e composición, João Pedro Brandão: saxo alto e frauta travesera, Pedro Neves: piano, Carl Minnemann: contrabaixo.

The Fabulous Resaca Brothers.
-Sábado, 16 de Xullo, en Vilamor: Formados fai case unha década, o quinteto compostelá é habitual dos festivais de Blues galegos e peninsulares. Sendo quen de abranguer en cada un dos seus concertos tódolos paus do Blues, The Fabulous Resaca Brothers son un grupo feito eminentemente para o directo. Un directo poderoso que non deixa a ninguén indiferente e que fará que os calellóns de Vilamor revivan ao ritmo destas músicas nadas ao redor dos campos de algodón a comezos do Século XX. Un concerto ao que ninguén que queira pasar un bo rato desfrutando da música nun espazo único, debería faltar.

Los Winters.
-Sábado, 23 de Xullo, Folgoso: 25 anos sobre os escenarios avalan a este trío madrileño. Mellor banda homenaxe ao bluesman albino Johnny Winter, Phineas Sánchez ( baixo), Pino Sambataro (batería) e Kpow Alburquerque (guitarra e voz), formaron este grupo en 2014 e, dende entón, non paran de recibir recoñecemento en todo o panorama do Blues eléctrico nacional. Moitos son os proxectos polos que teñen pasado estes tres xigantes do blues peninsular, dende Ñaco Goñi y Los Bluescavidas ou Raimundo Amador, ata Bebe ou, cómo non, Edu Manazas & Whiskey Tren. Tres músicos que atopan neste proxecto a súa válvula de escape para amosar a fervente admiración que sinten polo finado Johnny Winter, figura emblemática do Blues americano. Los Winters é a homenaxe perfecta. Reviviremos en Folgoso aqueles concertos de finais dos 60, os 70 ou os 80 nos que o público enchía grandes escenarios para desfrutar da música e a personalidade do fino guitarrista albino.

Marcos Coll feat. Remy Bankyln.
-Domingo, 24 de Xullo, Seceda: Falar de Marcos Coll é falar, quizais, do harmonicista actual máis recoñecido mundialmente. Dende que en 1995 forma a súa rimeira banda (Blue Rags) e xa naqueles primeiros tempos, Marcos non parou de tocar e de compartir escenario con algún dos máis grandes músicos de tódolos tempos: Buddy Miles, Mick Taylor, Tom Jones… Pero é cando forma, con Adrián Costa, Los Reyes del KO cando empeza o seu verdadeiro recoñecemento mundial, subindo aos escenarios de todo o mundo con figuras coma Buddy Guy, Chuck Berry, The Animals, John Mayall ou Robert Cray.

Dende 2004 vive en Berlín e dende a capital alemana non para de xirar por todo o mundo amosando o seu dominio da harmónica, que lle valeu para ser elexido como imaxe das coñecidas harmónicas Hohner en 2009 e 2013. Alí segue editando traballos con distintos músicos que ven en Marcos a figura mundial imprescindible para as súas sesións.E, tamén dende alí, Marcos descubre grandes promesas deste estilo, como é o caso do novísimo guitarrista e cantante Remy Banklyn, que o acompañará neste concerto en Seceda. Nado en Palma de Mallorca, pero residente actualmente en Londres, Remy é habitual nos círculos de Blues da capital do Imperio e nesta xira, xunto con Marcos Coll, prometen emocións fortes, previas á edición do seu primeiro traballo conxunto, que poderemos desfrutar cara ao outono.

Sumrrá:
-Sábado, 30 de Xullo, Paderne: qué dicir do trío de Jazz galego máis recoñecido internacionalmente! Décadas de experienza enriba dos escenarios de medio mundo, premios nos cinco continentes, recoñecemento de público e crítica en todos e cada un dos lugares nos que levan tocado… A Aira do Quintairo de Paderne aínda vibra ao son do concerto co que Sumrrá pechou o CourelSon 2018 e, cómo non podía ser doutro xeito, vibrará de novo neste 2022, no que o trío compostelá presentará o seu “7 Visións”.

Rodeados de natureza, de soutos, de afloramentos calcarios, a maxia conxunta destes tres magos fará do peche do CourelSon un recordo inesquecible para os que teñan a oportunidade de asistir. Porque: a qué soa Sumrrá? Pois Sumrrá soa a Sumrrá, e isto é o mellor que se pode dicir dun grupo; e, en Paderne, soarán a Sumrrá en Courel, e isto si que é insuperable para ningún outro escenario o concerto que se faga en ningún outro lugar do mundo.

Sumrrá son: Xacobe Martínez Antelo: contrabaixo; Manuel Gutiérrez: teclado; LAR Legido: percusión.

Asociación de Desenvolvemento Rural Serra do Caurel, 2022-06-02

Actualidad

Foto del resto de noticias (hiphop-naron.jpg) Foi presentado o I Campionato do Mundo de Hip Hop Coreográfico -categorías junior, young, absoluta e megacrew- que xuntará a próxima fin de semana no Pazo da Cultura de Narón a máis de 800 deportistas procedentes de Bélxica, Bulgaria, Chipre, Sudáfrica, Francia, Suecia, Italia ou España. O baile deportivo en Galicia ten experimentado unha grande evolución desde que en 2021 se recoñeceu a especialidade deportiva do break e se creou a Liga Xunta de Galicia de Breaking, en consonancia coa aposta do Comité Olímpico Internacional (COI) polos deportes urbanos no programa olímpico. Dende aquela, a Federación Galega de Baile, creada en 2023, conta xa con 1.121 licenzas, das que o 83% son femininas.
Foto de la tercera plana (apoio.jpg) O presidente da Xunta, Alfonso Rueda, informou de que a Xunta vai reforzar a Estratexia contra a soidade non desexada con novas medidas coma a 'creación de redes de apoio local' ou un servizo multicanle de atención específica para as persoas en esta situación. O obxectivo é facer fronte a 'un dos desafíos sociais do noso tempo' que está ligado ao incremento da esperanza de vida. O Consello da Xunta de Galicia aprobou esta mañá esta Estratexia e o seu plan de acción, que inclúe medidas xa en marcha e outras novidosas, e que estará dotada de 'máis de 145 millóns de euros'.

Notas

A revista científica Nature acaba de facer públicos os resultados dun experimento pioneiro levado a cabo no acelerador GSI-FAIR, en Darmstadt (Alemaña), no que un equipo internacional de investigadores e investigadoras describe unha nova illa de fisión nuclear asimétrica nun cento de sistemas exóticos (non estables), unha cuestión que, segundo explican, pode resultar clave para entender as propiedades do núcleo atómico e os procesos que describen a abundancia dos elementos no universo.
Un novo estudo realizado no emblemático xacemento de Cova Eirós (Cancelo, Triacastela, Lugo) centra o seu foco na fauna e na información paleoclimática e paleoambiental que pode achegar. Un artigo publicado na revista internacional Journal of Archaeological Science: Reports ofrece unha nova perspectiva acerca do territorio no que viviron os derradeiros neandertais de Galicia
ACTUALIDAD GALICIADIGITAL
Blog de GaliciaDigital
PUBLICIDAD
HOMENAXES EGERIA
PUBLICACIONES