Notas de prensa

Un equipo da USC deseña unha nova estratexia inmuno-terapéutica na loita contra o cancro

Un equipo investigador da USC acaba de publicar un estudo que abre unha nova vía inmuno-terapéutica na loita contra o cancro. O traballo internacional, liderado polo investigador principal do CiQUS Eddy Sotelo e Andreas Lundqvist do Karolinska Institutet de Suecia, conta ademais coa participación de persoal investigador do Centro Singular de Investigación en Medicina Molecular e Enfermidades Crónicas da USC (CiMUS) e da Facultade de Farmacia compostelá, e da Universidade sueca de Uppsala.

Publicado na prestixiosa revista Journal for Immunotherapy of Cancer, o estudo demostra que o bloqueo de receptores A2B de adenosina permite reactivar o sistema inmunitario devolvéndolle a súa efectividade na loita fronte a tumores.

O traballo demostrou o notable efecto inmunosupresor que xoga o receptor A2B de adenosina no microambiente tumoral, así como os beneficios derivados do seu bloqueo no contexto da inmunoterapia do cancro. O tratamento cos novos fármacos reduce a supresión das células do sistema inmunolóxico no microambiente tumoral e incrementa a infiltración dos linfocitos no tecido, cunha importante remisión do tumor.

Novos fármacos

O traballo tamén desvelou o potente efecto anticanceríxeno de dúas familias de fármacos desenvolvidos na USC, o que abre a porta a innovadores tratamentos. A inmunoterapia do cancro, baseada na reactivación do sistema inmunitario do paciente para combatelo, constitúe unha das estratexias terapéuticas máis efectivas e disruptivas. Para neutralizar o bloqueo do sistema inmunitario inducido polas células canceríxenas, utilízanse anticorpos monoclonais, proteínas artificiais que actúan como anticorpos humanos, os cales teñen unha complexa produción e elevados custos, o que dificulta o seu uso extensivo. Neste sentido, o desenvolvemento de fármacos capaces de actuar como estes anticorpos constitúe unha estratexia nova que abre a porta a tratamentos innovadores e combinacións sinérxicas.

O estudo levouse a cabo por varios equipos a nivel mundial. Alén de Eddy Sotelo, para este proxecto uníronse investigadores da USC no CiQUS, CiMUS —a través do grupo BioFarma que dirixe Mabel Loza—, e da Facultade de Farmacia da USC como é o caso de Xerardo García Mera. Ademais, a alianza tamén contou con investigadores do Karolinska Institutet, da Universidade de Uppsala e da Universidade Tecnolóxica de Singapur.

Centro Singular de Investigación en Química Biolóxica e Materiais Moleculares da USC (CiQUS) - USC, 2022-05-23

Actualidad

Foto del resto de noticias (covidhoxe.jpg) A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 14.982 deles 3.060 son da área da Coruña, 1.932 da de Lugo, 1.905 da de Ourense, 1.664 da de Pontevedra, 2.591 da área de Vigo, 2.717 da de Santiago e 1.092 da de Ferrol. Do total de pacientes positivos, 26 están en UCI, 643 en unidades de hospitalización e 14.313 no domicilio. Polo de agora, en Galicia hai un total de 628.919 persoas curadas, rexistrándose 3.603 falecementos. O número de PCR realizadas é de 3.935.125. O número de doses de vacina contra a covid-19 administradas é de 6.696.499.
Foto de la tercera plana (sendainfinita.jpg) O mércores, 6 de xullo, Paradela dará comezo ás celebracións do seu Bicentenario como Concello, que se prolongarán ata mediados do próximo mes de decembro. Esta conmemoración tivo que ser adiada pola epidemia do Covid, celebrándose agora, neste Xacobeo prolongado, tendo moi presente que Paradela é un fito no Camiño Francés a Compostela. Inaugurarase o Monumento aos Cabaleiros de Santiago, obra de Cándido Pazos, e abriranse ao público tres exposicións, das que dúas itinerarán desde setembro polo Camiño, desde Pedrafota a Compostela.

Notas

Os dez poemas galegos de Francisco Vega Ceide -Francisco de Fientosa- edítanse nos cinco idiomas ibéricos polo Colectivo Egeria, para conmemorar os 110 anos do nacemento do escritor en maio de 1912 no Cordón, da parroquia de Santa Locaia do concello lucense de Castro de Rei. A edición está apoiada pola Xunta de Galicia (Política Lingüística) e o Concello de Castro de Rei.
Alfonso Rueda avanzou que o Goberno galego vai remitir este mes ao Goberno central unha vintena de proxectos culturais solicitando un PERTE cultural que recoñeza a importancia deste sector na economía, un mecanismo ata agora inexistente en España e que Galicia considera 'necesario' para acompañar a transformación dixital, reforzar a creación, produción e a internacionalización da cultura galega.
PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania