sábado, 10 de octubre de 2026
A programación continuará cun taller para miniarquitectos Vivir nas nubes coa arquitecta Nuria Prieto e o arquitecto Luis Santalla o martes 21 de decembro das 18:00 ás 20:00 horas. Para esta actividade as prazas son limitadas e é preciso inscribirse no correo normal@udc.gal. Os menores de 12 anos deben ir acompañados por un adulto.
O mércores, 22 de decembro, ás 19:30 horas, presentarase o libro Soño dunha noite de verán (William Shakespeare, tradución de Miguel Pérez Romero), editado pola Biblioteca-Arquivo Teatral Francisco Pillado Mayor.
O xoves, 23 de decembro, ás 19:30 horas, proxectarase o filme documental Todas as mulleres que coñezo e haberá un debate coa directora, Xiana do Teixeiro.
Xunto con estas actividades poderá visitarse ata o 7 de xaneiro a exposición Códigos de Tatiana Medal en horario de 11 a 22 horas. A entrada a todas ás actividades, agás ao taller Vivir nas nubes, é libre até completar a cabida. Non é preciso inscribirse.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
