domingo, 1 de noviembre de 2026
A profesora da USC e directora técnica do equipo GEM Galicia, Isabel Neira, deu conta destes datos este venres na Facultade de Administración e Dirección de Empresas do Campus de Lugo no marco da presentación dun estudo elaborado a partir de datos compilados en setembro de 2020 e no que se constata que a pandemia provocada pola COVID-19 diminuíu sensiblemente os ingresos das iniciativas emprendedoras, empeorou as expectativas e aumentou as dificultades para crear unha empresa.
A crise derivada da pandemia provocou un lixeiro parón da actividade emprendedora, sinalou Neira, ao tempo que salientou a capacidade de resilencia dos emprendedores, dado que, segundo o informe executivo GEM Galicia 2020-21, un 7% das persoas con iniciativa emprendedora pretende dar continuidade aos seus proxectos no futuro.
O estudo identifica tamén o perfil da persoa emprendedora en Galicia, cuxa idade media está arredor dos 40 anos. Aumenta tamén a porcentaxe de homes e mulleres con estudos de formación profesional e superiores (o 43% dos emprendedores e o 39% no caso das emprendedoras), ao tempo que a porcentaxe dos emprendedores/as con estudos de posgrao representa xa preto dun terzo (un 28%). O carácter innovador da propostas (19%) e a ambición de poder xerar emprego en plena pandemia (un 15% dos casos) son dúas das características advertidas nun informe que apunta a falta de oportunidades no mercado de traballo como motivación de sete de cada dez iniciativas. As propostas que nacen coa idea de diferenciación pasan do 35% en 2019 ao 21% en 2020, mentres que a tradición familiar continúa como motor do 28% dos casos.
Impacto COVID
O impacto da COVID supuxo para as iniciativas emprendedoras unha importante diminución de ingresos (no 58% dos casos), mais dificultades na creación de empresas e dun xeito mais acusado nas de menos idade (76%), un empeoramento das súas expectativas. Aínda así, o 34% dos propietarios de empresas xa consolidadas ven oportunidades na crise da COVID.
Máis da metade dos emprendedores galegos teñen intención de seguir xerando emprego, e ao redor dun 20% puxo en marcha innovacións en produtos e servizos, o 15% no caso de innovación en procesos. Sen embargo, o medo a fracasar e a percepción de poucas oportunidades para emprender continúan a ser os principais freos a actividade. Malia a estes problemas estruturais, as iniciativas galegas en 2020 continuaron a aumentar o seu nivel tecnolóxico e avanzan no seu grao de internacionalización (pasando do 8% en 2019 ao 15% en 2020).
Representación institucional
A presentación do último informe executivo GEM Galicia congregou este venres na Facultade de Administración e Dirección de Empresas do Campus de Lugo unha ampla representación institucional, entre a que cómpre destacar a presenza do director do Igape, Fernando Guldrís; a directora do equipo GEM Galicia, Loreto Fernández; o adxunto á Vicerreitoría de Coordinación do Campus de Lugo para Estudantes, Internacionalización, Cultura e Servizos, Jesús Varela Zapata; a tenente de alcaldesa do Concello de Lugo Ana González Abelleira ou o deputado provincial Pablo Rivera Capón, ademais de estudantes e docentes da USC.
O Global Entrepreneurship Monitor (GEM) é un observatorio internacional liderado pola USC e nado ao abeiro dun convenio entre o Instituto Galego de Promoción Económica (Igape) da Xunta de Galicia e a USC, cuxo obxectivo é analizar e avaliar o impacto da actividade emprendedora no crecemento económico, como factor determinante para o desenvolvemento e benestar das sociedades nas que ten lugar. En Galicia, o equipo GEM constituíuse en 2005, data desde a que elabora con periodicidade anual un informe sobre a actividade emprendedora na comunidade autónoma a partir de datos recollidos entre a poboación adulta (Adult Population Survey) e de persoas expertas do ecosistema emprendedor (National Experts Survey).
Mesa redonda sobre emprendemento no sector agroalimentario
Unha vez rematada a presentación do último informe GEM Galicia, o decano da Facultade de ADE da USC, Roberto Bande Ramudo, moderou unha mesa redonda sobre emprendemento no sector agroalimentario na que tomaron parte como relatores Sergio Martínez, de Innolact; Noemí Rodríguez, de Himikode, e Inmaculada Rodríguez, en representación de UNIRISCO.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
