jueves, 15 de octubre de 2026
Como consecuencia deste crecemento, as cidades concentran a maior parte das cargas ambientais do planeta derivadas das actividades humanas como a xeración de residuos, a emisión de gases de efecto invernadoiro (GEI) e o consumo de recursos naturais, explica o autor do traballo.
De acordo con isto, desenvolver metodoloxías que permitan avaliar a sustentabilidade dunha cidade son cruciais para establecer accións e liñas estratéxicas de cara un futuro sustentable. Non obstante, existen diversas discrepancias á hora de definir que é unha cidade sostible ou que tipo de parámetros sociais, económicos e ambientais deben ser considerados para avaliar a sustentabilidade dunha cidade, sinala o doutor Rama Caamaño.
Para alcanzar o seu obxectivo, aplicou metodoloxías de Análise de Ciclo de Vida e análise Input-Output Ambientalmente Estendida para determinar o perfil ambiental dun sistema urbano. Ademais desenvolveu diferentes metodoloxías para definir e cuantificar de forma máis íntegra a sustentabilidade de varios sistemas urbanos, considerando ademais de información ambiental, indicadores sociais e económicos.
Este traballo, dirixido por Sara González García e Gumersindo Feijoo, permite analizar dende casos específicos como o perfil ambiental do municipio de Madrid, a pegada de carbono de Cádiz ou a incidencia do turismo no desenvolvemento sostible de Santiago de Compostela, ata análises amplas e comparativas aplicadas a un territorio, como a avaliación de sustentabilidade dun grupo de 64 concellos galegos ou de 63 cidades de toda España -incluíndo todas as comunidades autónomas- ou a análise da pegada de carbono de diversas cidades dentro do territorio estatal, como son Bilbao, Madrid, Sevilla e Santiago. A tese desenvolveuse na ETSE no marco do proxecto SENSE financiado polo Ministerio de Ciencia e Innovación e FEDER, cuxo obxectivo é avaliar e desenvolver novas metodoloxías para a análise da sustentabilidade de sistemas urbanos en España.
Un total de cinco candidaturas galegas optan como finalistas aos XIX Premios Nacionais de Artesanía, convocados polo Ministerio de Industria, Comercio e Turismo. Galicia convértese así na comunidade con máis finalistas, con candidaturas en catro das cinco categorías. En concreto, os ceramistas Barreiros Artesanía e a deseñadora e redeira Amalia Puga optan ao Premio Produto, mentres que Sandra Vilas é candidata por segundo ano consecutivo ao Premio Emprendemento. Na categoría Promociona para Entidades Privadas, resultou finalista a asociación APAMP e a súa marca A Casa Rodante; e no Promociona para Entidades Públicas, é candidata a Fundación Pública Artesanía de Galicia.
O conselleiro de Presidencia, Xustiza e Deportes, Diego Calvo, anunciou que a Xunta vai desenvolver o título II da Lei de Xuventude de Galicia' para mellorar a calidade dos servizos que se prestan á mocidade galega con medidas para 'incrementar o número de monitores nos campamentos ou flexibilizar os requisitos para poder exercer este traballo'. Así se recolle no proxecto de decreto co que se actualiza o segundo título desta normativa que foi avaliado hoxe no Consello da Xunta e que se publicará nos vindeiros días no Diario Oficial de Galicia 'despois dun longo proceso de participación e diálogo cos axentes implicados' a través de distintos espazos de escoita activa.
