jueves, 29 de octubre de 2026
Aínda que siga brillando a lúa con dramaturxia de Fernando Dacosta e baseada en Crónicas marcianas de Ray Bradbury será a peza interpretada no Teatro principal o 5 de maio polo Grupo Maricastaña da Aula de Teatro Universitaria de Ourense. A Sala Roberto Vidal Bolaño acollerá a representación de Allora o venres 7 a cargo de LaBarata Produccións. No mesmo escenario, o sábado 8 de maio, Efecto Lamprea interpretará Pon pilas na conacha. A mostra pecharase o domingo 9 coa representación, a cargo da Aula de Teatro Universitaria do Campus de Vigo, da obra Tic Tac. Todas as representacións comezarán ás 20.30 horas e o despacho de entradas dará comezo ás 18.00 horas no Teatro Principal e, ás 19.30 horas, na Sala Roberto Vidal Bolaño.
V Mostra de Teatro Universitario de León
A compañía de teatro USC-Lugo presentará, pola súa parte, este domingo 2 de maio, a partir das 19.30 horas, no Teatro El Albéitar da Universidade de León, A Emperadora, no marco da V Mostra de Teatro Universitario de León. Esta peza é unha comedia negra baseada en feitos reais que recrea a existencia dunha aldea rural da provincia de Lugo cuxa vida se ve alterada polo pasamento dunha das súas veciñas. O velorio desta señora, que respondía ao alcume de A Emperadora e non era especialmente querida pola veciñanza, prolóngase durante tres días e convértese nun fito de interese para multitude de persoas atraídas polos curiosos rumores da súa vestimenta.
A obra, na que interveñen un elenco de actores e actrices afeccionadas formado por Adrián Valdés, Ángela Oliveira, Julia Lacleta, Lucía Parga, María Rodríguez, Mariña Pena, Martina Gandoy e Michael Pereira, permite ao público e ás propias fillas da finada, descubrir a súa verdadeira identidade a partir dos testemuños e das anécdotas das persoas que visitan o seu cadaleito.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
