sábado, 22 de agosto de 2026
Dirixida por Roberto Salgueiro, a Aula de Teatro Universitaria de Santiago de Compostela puxo en escena unha peza que recolle o que ocorre entre as páxinas 52 e 88 de La casa de la fuerza (Ediciones La uÑa RoTa, 2011, Segovia), unha aproximación á realidade das mulleres no século XXI con notas sobre a violencia e o fracaso do amor.
Tras esta actuación, o teatro volverá ao campus o mércores 12 de maio da man da Aula de Teatro Universitaria de Ourense. Maricastaña 2021, que porá en escena a obra AÃnda que siga brillando a lúa. Dirixida por Fernando Dacosta, trátase dun texto que trasladará ao público a Marte, propoñendo unha reflexión sobre as consecuencias da colonización do planeta vermello: “cambiar de mundo pode cambiar tamén ao ser humano”.
Volve a música co concerto de Laura LaMontagne e PicoAmperio
Antes da volta do teatro, a programación cultural continuará co Festival Sonora, que como en cada edición trae novas propostas musicais. Os protagonistas do Sonora 2.1 son Laura LaMontagne e PicoAmperio, un dúo que dialoga coa tradición galego-portuguesa das cantigas de amigo e os ritmos electrónicos e que encherá a Cidade Universitaria de mesturas de voz, samplers, bases, scratch e loops en directo.
As persoas interesadas en acudir ás representacións teatrais e musicais deben reservar a butaca enviando un correo electrónico a extensión@uvigo.gal ou a través do teléfono 986.813.626 ata as 13.00 horas do dÃa da función. A capacidade do Teatro Vidal Bolaño está agora limitada a 49 butacas e, en cada función farase unha listaxe das persoas asistentes que se gardará durante un mes por se fose necesario localizar a alguén.
Presentouse o décimo aniversario do festival Flores Rock, que se celebrará os dÃas 4, 5 e 6 de setembro cunha ampla programación musical e cultural no Barrio das Flores da Coruña. A iniciativa, nacida no propio barrio e fortemente vinculada a súa xente e ao tecido social, mantén dez anos despois a esencia coa que comezou, cunha combinación de música, cultura e participación veciñal. O festival contará con dous escenarios e unha programación que reúne artistas e bandas de diferentes estilos, ademais de actividades para públicos de todas as idades e familias. O Flores Rock naceu en 2016 como iniciativa local e, ao longo desta década, foi consolidándose no calendario cultural da Coruña sen perder a súa identidade.
A Cidade da Cultura volverá converterse o próximo 28 de agosto nun punto de encontro para os novos sons urbanos coa celebración da III Lingua Urbana, unha cita que se consolida dentro da programación dos Concertos do Xacobeo. A terceira edición de Lingua Urbana contará con Yung Beef e Dirty Suc, dous dos nomes máis recoñecidos da escena urbana, aos que se suma Abhir, que ofrecerá en Santiago a súa única actuación en Galicia durante 2026. A presenza galega terá un peso destacadocoa participación de Arce, 9Louro, Lg1do, Sote, Carlos Barral ou Valesk8.
