viernes, 16 de enero de 2026
A formación teatral do Campus de Lugo, cuxo renovado elenco de actores está formado este curso por Adrián Valdés, Ángela Oliveira, Julia Lacleta, Lucía Parga, María Rodríguez, Mariña Pena, Martina Godoy e Michael Pereira, transportou ao público vigués á vida nunha aldea do rural profundo de Lugo, rutina que se ve alterada pola morte dunha das súas veciñas e o seu velorio, ao que se achegan xentes de toda a comarca para darlle a despedida. Lonxe de tratarse dunha persoa especialmente querida, veñen atraídos polos rumores de como vai vestida e, finalmente, o velorio convértese en toda unha oportunidade de redescubrir á nai, a través das anécdotas que van escoitando da defunta as fillas... Unha comedida negra baseada en feitos reais que, a xuízo da súa autora, só podería ter acontecido en Galicia.
Para delimitar as butacas nas que podían sentarse cada unha das 49 persoas que se inscribiron para ver a obra -espazo adaptado á normativa covid-, a organización marcou as cadeiras con algunhas das caretas ilustradas por Marta Riera, exprofesora da Facultade de Belas Artes, para a campaña Bravas, que arrancou en 2019 con motivo do 11 de febreiro, Día internacional da muller e a nena na Ciencia, co obxectivo de darlles visibilidade a mulleres científicas, investigadoras e inventoras con traxectorias vitais paradigmáticas nas que se observan trazas de inxustiza e discriminación no ámbito da ciencia (o chamado efecto Matilda), pese á importancia e á relevancia das súas achegas e descubrimentos.
As representacións continúan o mércores 28 coa aula da USC
Tras o éxito desta primeira representación, o teatro volverá ao campus o vindeiro mércores día 28, nesta ocasión da man da Aula de Teatro Universitaria da Universidade de Santiago de Compostela que, dirixida por Roberto Salgueiro, porá en escena A casa da Forza 2, 52-88, unha peza centrada nun traballo dramatúrxico das páxinas 52 a 88 do texto de Angélica Liddell La casa de la fuerza (Ediciones La uÑa RoTa, 2011, Segovia).
As persoas interesadas en acudir ás representacións deben reservar a butaca enviando un correo electrónico a extensión@uvigo.gal ou a través do teléfono 986.813.626 ata as 13.00 horas do día da función. A capacidade do Teatro Vidal Bolaño está agora limitada a 49 butacas e, en cada función farase unha listaxe das persoas asistentes que se gardará durante un mes por se fose necesario localizar a alguén.
O presidente da Xunta, Alfonso Rueda, tras manter hoxe un encontro co seu homólogo na Rioxa, Gonzalo Capellán, volveu rexeitar a proposta de modelo de financiamento autonómico feita polo Goberno central xa que rompe a solidariedade e a igualdade entre as comunidades. 'No caso de Galicia, saímos especialmente prexudicados porque se rompen principios que para nós son absolutamente irrenunciables como a negociación conxunta, a exclusión de bilateralidades, o mantemento da solidariedade e da igualdade en servizos básicos entre todos os territorios', apuntou. 'Somos algo máis do 6,5% da poboación axustada de España e na nova repartición non chegariamos nin ao 3% dos recursos'.
Galicia volve bater o seu propio récord con 429 transplantes e 143 doadores de órganos durante o ano 2025. Da cifra total de transplantes do pasado ano, 229 foron de ril, dos que 22 procedían de doadores vivos; 116 de fígado; 7 de páncreas; 26 de corazón e 51 de pulmón. Estes 429 transplantes beneficiaron a un total de 420 pacientes, tendo en conta que algúns casos foron de transplantes multiorgánicos. Os transplantes pancreáticos, que son os máis complexos, experimentaron a maior subida: incrementáronse un 75 % con respecto ao ano anterior, desde os 4 realizados en 2024 aos 7 de 2025.
