domingo, 29 de marzo de 2026
Este ano, a iniciativa celebra a súa segunda edición de xeito on-line, adaptándose ás medidas de loita contra a covid-19, e abríndose á participación de alumnado de arredor de doce universidades españolas e iberoamericanas.
A segunda xornada Control de xestión desde unha perspectiva de xénero celebrarase o mércores 28 de outubro organizada nesta ocasión pola Universidade de Vigo e AICOGestión, asociación de carácter non lucrativo que persigue a promoción e difusión do coñecemento científico e profesional na área da contabilidade e o control de xestión e que pretende ser referente no seu eido de actuación en España, Portugal e América. A cita, coordinada polo profesor da Facultade de Ciencias Empresariais e Turismo Ernesto López-Valeiras, conta ademais co patrocinio de Ecobas e a Unidade de Igualdade da UVigo.
A visión académica, profesional e emprendedora
O obxectivo da xornada é, segundo comentan os seus responsables, contribuír a que o alumnado teña unha visión máis completa desta función directiva e difundir e promocionar o control de xestión entre os estudantes de pregrao, con especial atención a dar resposta á necesidade de transversalizar o enfoque de xénero a todos os niveis da sociedade. Como novidade, esta segunda edición, detallan desde a organización, adquire unha orientación iberoamericana, grazas á co-organización de AICOGestión, e 100% virtual sincrónico, atendendo ás necesidades derivadas da loita contra a pandemia e tamén para dar resposta á apertura da participación a outros países. Así, á actividade asistirán virtualmente estudantes de grao e posgrao de arredor dunha ducia de universidades. De España, ademais da Universidade de Vigo, participarán estudantes de Alcalá de Henares, Barcelona, Pablo de Olavide e Valencia. De América estarán representadas institucións como a Pontificia Universidad Católica del Perú, Universidad Abierta Latinoamericana, Universidad Autónoma de Chile, Universidad de Chile, Universidad Cooperativa de Colombia, Universidad de Panamá e Universidad Nacional de Rosario.
A iniciativa, indican os seus promotores, combina a visión e experiencias de tres perfís diferenciados no ámbito do control de xestión: unha profesora universitaria (de España), unha profesional (de Chile) e una alumna de mestrado (de Arxentina). Inaugurada pola decana de Ciencias Empresariais e Turismo de Ourense, Montserrat Cruz, e moderada pola profesora do centro e vogal da comisión de contabilidade de xestión da Asociación Española de Administración e Dirección de Empresas Beatriz González, a xornada arrancará coa intervención de Emma Castelló, profesora titular da Universidad de Alcalá de Henares; directora do Grupo de Investigación desta universidade Planificación, Xestión e Control da Actividade Económica e da Empresa en clave interdisciplinar e coordinadora da Red de Investigación DYCSTEN (Dinamic and Complex Systems in Technological Entrepreneurship). Seguiralle Paola Tapia, xerente de consultaría en GS Consulting (Chile) e académica da Facultad de Economía y Negocios da Universidad de Chile. Por último, Mariana Soldavini falará nesta xornada desde a súa perspectiva de emprendedora e alumna de mestrado en Control de Xestión (Arxentina e España).
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
