viernes, 6 de noviembre de 2026
O fin de Nós, As Mulleres, que vén de finalizar o proceso de inscrición no Rexistro de Asociacións de Galicia, é o desenvolvemento integral da muller e das súas capacidades, para o que promove a participación polÃtica, económica e sociocultural das mulleres que viven e traballan no sector agroalimentario no medio rural e combate as barreiras que as obstaculizan, ademais de apoiar a igualdade de xéneros e a participación feminina nos órganos de decisión nestas entidades.
As cinco promotoras iniciais da Asociación son mulleres que ostentan, ou ostentaron, cargos nos órganos de decisión de cooperativas agroalimentarias que, en conxunto, facturan máis de 240 millóns de euros, agrupan máis de 3500 persoas socias e empregan a máis de 480 persoas.
O dÃa 20 Nós, As Mulleres celebrará unha xunta directiva na que se agarda que unhas 30 mulleres en postos de dirección (ou futuras directivas) de 10 cooperativas entren na Asociación.
Durante o seu primeiro ano, a Asociación organizou diversos obradoiros de apoderamento, viaxes e xuntanzas. Proximamente desenvolveranse novas accións formativas como obradoiros de liderado e motivación e prevese unha audiencia coa Secretaria Xeral de Igualdade, Susana López.
Cooperativistas galegas
En canto á porcentaxe de mulleres socias de cooperativas no sector agroalimentario, a media española é do 25%. En Galicia, datos de 2019 mostraban que, nas cooperativas asociadas a AGACA, o 45,11% das persoas socias eran mulleres, chegando ao 16,8% na composición dos órganos de decisión das entidades. A nivel nacional, en cambio, o 7% de cargos en consellos reitores son ocupados por mulleres.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
