lunes, 5 de enero de 2026
Esta iniciativa, coordinada pola compañía Parallel 40, naceu baixo o nome de DocsBarcelona no ano 2004 e desenvolvese cada ano en numerosas salas de España e América Latina. Arrancamos o curso cunha programación de catro documentais que se proxectarán ao longo de catro meses e que agardamos teñan unha boa acollida entre o público a pesar da situación provocada pola covid-19, explica Filemón Rivas, responsable de Actividades Culturais no campus de Ourense. Con entrada libre ata completar un aforo reducido de acordo coas normas ás que obriga a crise da covid-19, as proxeccións poderán verse en versión orixinal con subtítulos en castelán na sala do Cineclube Padre Feijóo ás 19.30 horas.
Da apicultura nos Balcáns ás traballadoras do fogar filipinas
A programación iniciarase o vindeiro luns 21 con Honeyland, de Ljubomir Stefanov e Tamara Kotevska, un filme macedonio que narra a historia de Hatidze Muratova, que se dedica a criar colonias de abellas nunha remota rexión montañosa dos Balcáns e os cambios que para a súa forma de vida supuxo a chegada á zona dunha familia nómade. Ao mes seguinte, o luns 19, proxectarase Marwa. Pequeña y valiente, un documental da directora e produtora xordana de orixe palestina Dina Naser, que retrata a vida cotiá de Marwa, unha nena que vive nun campo de refuxiados de Xordania desde que fuxiu coa súa familia de Siria.
O 2 de novembro poderá verse Robots. Las historias de amor del futuro, un filme no que a documentalista alemá Isa Willinger reflexiona, a través de casos reais, sobre como a intelixencia artificial e a entrada de robots nos fogares afectará ás vidas das persoas. Por último, o 21 de decembro proxectarase o premiado documental Overseas, centrado na historia das mulleres filipinas que se ven obrigadas a marchar ao estranxeiro a traballar como aias e traballadoras do fogar, no que a cineasta coreana Sung-A Yoon combina o humor negro e a denuncia social.
Galicia pecha o 2025 sendo, por terceiro ano consecutivo, a comunidade coa ratio de escolarización no primeiro ciclo de educación infantil máis alta do conxunto do país, segundo os datos oficiais do Ministerio de Educación, Formación Profesional e Deportes. Isto tradúcese en que o 64,3% dos nenos e nenas de entre 0 e 3 anos galegos acoden a unha escola infantil, unha cifra que se sitúa 15 puntos por enriba da media nacional (que é do 49,2%). Neste sentido, a conselleira de Política Social e Igualdade, Fabiola García, lembra que estes datos tan positivos son un exemplo do bo funcionamento das políticas de conciliación impulsadas pola Xunta.
O presidente da Xunta, Alfonso Rueda, anunciou que o Consello acordou hoxe iniciar os trámites para a posta en marcha da primeira Estratexia de Innovación Empresarial de Galicia 2026-2028 coa que se prevén mobilizar máis de 400 millóns de euros. O obxectivo é dotar de maior competitividade ao tecido produtivo e situar a innovación no centro do desenvolvemento económico da comunidade. Esta medida enmárcase na aposta da Xunta por fomentar a innovación entre as empresas galegas. 'Se queremos un tecido produtivo moderno e competitivo, a innovación ten que formar parte indisoluble do seu día a día', resaltou.
