miércoles, 15 de mayo de 2024
A entrada é de balde ata completar o aforo. Este proxecto conta co apoio da Deputación da Coruña e coa colaboración de Afundación. Ademais, profesionais de ADACECO e Sarela van moderar as sesións de debate e resolver calquera dúbida sobre o tratamento do dano cerebral nas tres películas seleccionadas:
Anxos sen paraíso (A child is waiting. John Cassavetes, 1963). 102 m. VOSE
A Coruña * 15/10/2019 * 19:00
Santiago * 31/10/2019 * 19:00
Jean Hansen é profesora nun colexio para nenos con necesidades especiais no que coñece a Reuben, a quen enche de atención e agarimo, o que lle crea problemas co director do centro, que considera a súa actitude contraproducente. A película foi filmada nos anos 60 en colaboración co hospital de Pomona; o seu reparto está composto por nenos e nenas con diferentes discapacidades intelectuais e problemas de saúde mental.
O meu fermoso cerebro roto (My beautiful broken brain. Sophie Robinson & Lotje Sodderland, 2014). 86 m. VOSE
Santiago * 16/10/2019 * 19:00
A Coruña * 22/10/2019 * 19:00
Reflexión autobiográfica sobre a fraxilidade do cerebro e os cambios na vida despois do ictus sufrido pola produtora de 34 anos Lotje Sodderland, que comezou a gravar o proceso de recuperación co seu móbil e deseguida pediu o apoio da documentalista Sophie Robertson. Conseguiron implicar tamén a David Lynch, que apadriña un filme no que a súa poética está presente para explicar a lesión cerebral e as súas secuelas e as sensacións que provocan.
Máis alá do espello (Más allá del espejo. Joaquim Jordà, 2006). 123 m. VO
Santiago * 23/10/2019 * 19:00
A Coruña * 28/10/2019 * 19:00
En 1997 o director Joaquim Jordà tivo un ictus que cambiou totalmente a súa vida e a súa obra deixándolle dúas secuelas: agnosia e alexia. Entrou en contacto con Esther Chumillas, conquense de 18 anos con agnosia desde os 15 por causa dunha meninxite. Con ela, e con outras persoas con dano cerebral, constrúe un relato sobre como se percibe a realidade e sobre os retos de afrontar unha nova vida e de sobrepoñerse fronte á adversidade.
O mundo púxose ao revés. Historias sobre o dano cerebral adquirido (Miguel Gallardo & FEGADACE, 2019). 1,47 m. VO
Proxeccións ao inicio de todas as sesións.
A Federación Galega de Dano Cerebral e o ilustrador Miguel Gallardo xúntanse para elaborar unha peza audiovisual na que se poñen en relación as causas do dano cerebral adquirido coas súas consecuencias ou secuelas. O coñecemento que FEGADACE ten do dano cerebral e a experiencia en relatar a discapacidade de Miguel Gallardo conflúen para resumir o enorme xiro vital que provoca o dano cerebral e como, con apoio, é posible facer unha nova vida.
O 97% das zonas rexistradas no censo de augas de baño de Galicia conta cunha clasificación sanitaria de excelente ou boa. Así se recolle no informe final sobre o Programa de vixilancia sanitaria das zonas de baño 2023 elaborado pola Dirección Xeral de Saúde Pública da Consellería de Sanidade presentado hoxe no Consello da Xunta. O Goberno galego iniciará o vindeiro 1 de xuño unha nova campaña do Programa de vixilancia, tomando como referencia o informe final da pasada tempada. Na pasada tempada, e con motivo da entrada en vigor do Decreto 175/2022, do 13 de outubro, sobre vixilancia sanitaria das augas de baño de Galicia, a Xunta fixo públicas as augas de baño que pasan a formar parte do novo Rexistro de Augas de Baño de Galicia, ben na sección I (augas de baño incluídas no Censo de zonas de augas de baño, na sección II (augas de baño en avaliación) ou na sección III (augas con prohibición permanente do baño).
A escritora Arantza Portabales recibiu o premio Clubs de Lectura 2024, por ser a autora galega máis lida nas bibliotecas escolares durante o curso. A entrega deste premio enmárcase na XVI Xornada de Clubs de Lectura, que congregou a máis de 400 coordinadores destes espazos educativos co obxectivo de compartir experiencias e afondar en novas accións sobre o libro e a lectura. As bibliotecas escolares galegas destacan pola calidade dos espazos de aprendizaxe, polas as actividades relacionadas co tratamento da información e competencias dixitais ou pola formación en diversidade e igualdade.
