domingo, 1 de noviembre de 2026
A ConsellerÃa de PolÃtica Social, a través da Dirección Xeral de Xuventude, Participación e Voluntariado, abre mañá e durante un mes o prazo para acollerse ás axudas para que a mocidade galega realice prácticas formativas non laborais tanto en entidades como en empresas públicas ou privadas en paÃses europeos ao abeiro do programa Galeuropa. O Diario Oficial de Galicia (DOG) publica hoxe o procedemento que rexe a concesión desta liña de achegas dotada cun orzamento de case 2 millóns de euros. Cómpre lembrar que este programa se enmarca dentro do Programa Operativo de Emprego Xuvenil cofinanciado pola Iniciativa de Emprego Xuvenil e o Fondo Social Europeo.
EstÃmase que entre 350 e 400 mozas e mozos de entre 18 e 29 anos inscritos no ficheiro nacional de GarantÃa Xuvenil no ámbito da comunidade –é dicir, que non estean traballando nin estudando- poidan completar a súa formación en compañÃas da Unión Europea. O obxectivo é que as persoas participantes adquiran durante a súa estadÃa de dous a tres meses en firmas empresariais de paÃses europeos unha experiencia profesional que lles permita atopar traballo en Galicia.
Galeuropa demostrouse útil para aumentar as oportunidades de emprego da xente nova. De feito, antes de iniciar as prácticas o 70% dos participantes estaban no paro e ao rematalas, tan só estaba nesta situación o 23%, 47 puntos menos. Neste sentido, ademais de reforzar os coñecementos e habilidades da xuventude coa adquisición, entre outras, de competencias en idiomas estranxeiros, esta iniciativa contribúe a dotar de recursos humanos de calidade ao tecido empresarial galego.
A Administración autonómica outorga aos participantes unha axuda media de 3.300 euros, pois esta varÃa en función do paÃs de realización das prácticas formativas e tamén da duración delas. As prácticas poderanse realizar en calquera paÃs da Unión Europea, incluÃdo o Reino Unido.
O 80% das axudas achegarase antes de iniciar as prácticas para que a situación económica non sexa un obstáculo para ninguén. Existen tres liñas de axudas: as individuais a mozas e mozos, a proxectos de mobilidade presentados por entidades sen ánimo de lucro que desenvolvan actividades no eido da xuventude e axudas para proxectos de mobilidade presentados por concellos.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trÃo do saxofonista e clarinetista cubano Paquito DÂ’Rivera. Neste mesmo escenario actuarán Abe Rábade, o dÃa 8, e Kenny Barron Trio, o 11. No CÃrculo das Artes sucederanse James Carter Organ Trio, o 5 de novembro; Jogo de Damas, o dÃa 6; Takuya Kuroda Quintet, o 7; Patricia Brennan Septet, o dÃa 12; Erik Truffaz & Antonio Lizana, o dÃa 13, e Clarence Bekker Band, o 14 de novembro.
O informe da Dirección Xeral de Saúde Pública da ConsellerÃa de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antÃxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
