lunes, 21 de septiembre de 2026
Mulleres, ciencia e tecnoloxía é un foro organizado en colaboración coa Oficina de Igualdade de Xénero da USC co obxecto de facer visible o cometido desenvolvido por mulleres nos ámbitos científicos e tecnolóxicos.
A sesión, de inscrición gratuíta, estará moderada pola profesora e coordinadora da Comisión de Igualdade de Xénero da EPSE, Ana Isabel García Arias, e nela intervirán a profesora do Departamento de Química Inorgánica da USC Isabel Fernández García; María José Rodríguez Malmierca, do Centro de Supercomputación de Galicia; Encina Calvo Iglesias, do Departamento de Física Aplicada da USC, e a presidenta da Asociación de Mulleres Investigadores e Tecnólogas de Galicia (Amit Gal), Ana Jesús López Díaz.
Este evento de carácter científico servirá asemade para a presentación dunha nova iniciativa promovida desde a EPS de Enxeñaría do campus de Lugo para favorecer o achegamento das rapazas ás titulacións universitarias de perfil técnico e científico e que se desenvolverá baixo o título Protagonistas, as enxeñeiras.
Masterclass Women in science
Pola súa banda, o Instituto Galego de Física de Altas Enerxías (IGFAE) desenvolverá o luns, a partir das 9.30 horas na Facultade de Física, unha actividade que nace da colaboración co Grupo Internacional de Divulgación de Física e o CERN coa fin de achegar ás alumnas de Bacharelato o traballo das investigadoras do instituto.
A xornada Women in science contempla unha serie de conferencias introdutorias da Física de Partículas actual ademais dunha práctica por ordenador en grupos con datos reais dun experimento do CERN. Posteriormente, discutiranse os resultados mediante videoconferencia co centro suízo e outros europeos que realicen a xornada simultaneamente.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
