jueves, 25 de abril de 2024
A plataforma VÍA GALEGA, Plataforma Social que defende os dereitos de Galiza como Nación, e composta tanto por organizacións coma por persoas a título individual celebrará o vindeiro Domingo 18 de Novembro na cidade de Lugo diversos actos de conmemoración do I centenario da celebración da I Asamblea Nazonalista no ano 1918 en Lugo e impulsada polas Irmandades da Fala.
Para conmemorar o centenario daquel feito, central na reivindicación da Galiza como suxeito político e a reclamación da súa soberanía, Vía Galega desenvolverá un completo programa de actos na cidade de Lugo, que será o seguinte:
Ás 10:45h. ENCONTRO-ASEMBLEA, no salón de actos do I.E.S. Lucus Augusti, durante o que se dará APROBACIÓN Á CARTA DOS DEREITOS GALEGOS. Neste acto, diferentes personalidades da sociedade civil galega nos distintos eidos: cultural, ecoloxista, económico, sindical, estudantil, agrario
, darán lectura ao texto da CARTA DOS DEREITOS GALEGOS. Dito acto estará conducido por Xurxo Souto e haberá actuacións musicais, destacando a Coral de Cantigas e Flores.
Ás 13:00h haberá unha Ofrenda Floral diante do Hotel Méndez Núñez de Lugo, acto en colaboración coa Convocatoria Faraldo.
Ás 13:30h iniciarase un Paseo pola Muralla, entre o Campo Castelo e a Catedral, onde se ira dando lectura a diferentes textos das Irmandades da Fala, por representantes das entidades culturais de Lugo: Adolfo de Abel Vilela, Presidente de Lugo-Patrimonio; Tonina Gay, Presidenta do Clube Cultural Valle Inclán; María Casar, Presidenta da Agrupación Cultural Ergueitos (Sarria); Marisa Barreiro; Presidenta do Instituto de Estudos Chairegos (Vilalba) e Mónica Lago, da Asociación Cultural Xermolos (Guitiriz).
Con este programa, desde a Vía Galega queremos convidar a aqueles homes e mulleres que hoxe, un século despois daquela cita histórica, defenden os dereitos de Galiza como Nación, a participar nesta conmemoración e darlle continuidade a aquel facho que hai cen anos desde as Irmandades da Fala prenderon a prol da defensa dos Dereitos Nacionais do noso País
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
