domingo, 8 de noviembre de 2026
Pink Unicorns conta ca coprodución do Agadic en Galicia e o o respaldo de dúas importantes institucións adicadas á danza en Alemaña: o Theater im Pumpenhaus e o Theater Bremen, así como algunhas colaboracións fundamentais no noso propio territorio como a do Teatro Rosalía de Castro da Coruña que acolle a estrea no noso país.
La Macana. Unha traxectoria internacional con sede en Galiza
LA MACANA é unha compañía de danza con base en Galicia formada no ano 2009 polos creadores e intérpretes Caterina Varela e Alexis Fernández. As colaboracións continuadas con outros artistas e a forte proxección internacional dos seus proxectos son dous dos pilares fundamentais sobre os que se constrúe LA MACANA.
Actividades expandidas no seu paso pola Programación Expandida TRCDanza
Formar parte do programa da Programación Expandida TRCDanza implica que a oportunidade de partillar coa compañía non remata no día da función senón que se desplega unha serie de accións expandidas arredor do seu paso polo teatro.
Arte para nais + pais + adolescentes é un microprograma de inmersión artística para familias co que compartirán as táboas do escenario os días 19 de outubro e 9 de novembro.
Data de estrea en ALEMAÑA e primeiras funcións
7 e 8 de setembro - Theater im Pumpenhaus (Münster, Alemaña)
13 e 14 de outubro - Theater Bremen (Bremen, Alemaña)
Data de estrea en GALICIA
20 de outubro - Teatro Rosalía de Castro (A Coruña)
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
