domingo, 18 de octubre de 2026
O quinteto galego será o encargado de estrear a obra Distorsións ubedianas, do mestre Groba, dedicada á creación do pintor pontevedrés Rafael Úbeda.
O director da OCG, Rogelio Groba Otero, debullou esta mañá a programación do festival en rolda de prensa, na que o secretario xeral de Cultura, Anxo Lorenzo, puxo en valor a contribución da iniciativa a garantir unha oferta cultural de calidade en todo o territorio e á difusión da música clásica en Galicia, da man dunha das principais formacións galegas. Tamén destacou a posta en valor da figura que lle dá nome, Rogelio Groba Groba, ao que se referiu como un dos compositores máis prolíficos e comprometidos co patrimonio musical galego. Finalmente, o secretario xeral salientou o papel do festival en tanto que referente pola súa aposta pola educación de novos valores musicais, con clases maxistrais que este ano estarán dedicadas á trompeta, cello, violín, viola, piano e música de cámara.
Como en pasadas edicións, o festival, que tamén conta co apoio do Concello de Ponteareas e da Deputación de Pontevedra, programará concertos diarios ás 21:00 horas no audiotorio municipal, nos que participarán grandes intérpretes cunha longa e importante traxectoria internacional, así como con outros que inician unha prometedora carreira na escena musical.
Estrea mundial de Rosalía na catedral
O cartel inclúe tamén un dos coros máis importantes do panorama europeo, o Coro de Cámara de Pamplona, que interpretará, xunto á OCG, a emblemática cantata Cantigas de mar, con textos de Filgueira Valverde, e realizará a estrea mundial dunha das últimas obras compostas polo mestre Groba, Rosalía na catedral.
Ademais das obras de Rogelio Groba, formarán parte dos repertorios dos concertos de cada noite compositores como J. Neruda, C. Saint-Saëns, G. Faure, Mozart, E. Granados, Mendelsson, J. Turina, Beethoven etc.
Este ano, igual que na pasada edición, a Orquestra de Cámara Galega, orquestra residente do Festival Groba desde o seu inicio no 2013, sairá do auditorio e realizará un concerto na Residencia de Maiores Santa Ana para achegarlles a música clásica e o espírito do festival ás persoas maiores con dificultades de mobilidade. Así mesmo, o salón de plenos do Concello será escenario dun concerto de cámara co gallo do 120 aniversario da sede municipal.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
