lunes, 23 de junio de 2025
O seu texto, titulado "Odio as mans frÃas", foi o mellor valorado polo xurado na xuntanza mantida onte na sede da RAG. Héctor Cajaraville Araújo (Santiago de Compostela) foi recoñecido co segundo premio por "O milagre" e Ceres Serea Manso Acuña (Nigrán) conseguiu un terceiro premio con "Cousas que pasan". Outros dous terceiros premios son para dous menores de idade: Nee Barros Fernández (MarÃn), de 15 anos, por "Desexo concedido", e Teo Alonso Vidal (Vigo), de tan só 10 anos, por "Unha hora".
Os membros do xurado, Helena Villar Janeiro, Dores Tembrás, VÃctor F. Freixanes, DarÃo Janeiro e Manuel González tras a xuntanza mantida onte. Fonte: RAG
O xurado, composto polo presidente da Real Academia Galega, VÃctor F. Freixanes; o presidente de PuntoGal e académico Manuel González; a escritora e académica correspondente Helena Villar Janeiro; o director xeral de PuntoGal, DarÃo Janeiro; e a poeta, editora e membro do comité de redacción de Luzes Dores Tembrás, avaliou os case 400 relatos de ata 200 palabras que participaron no concurso convocado no marco dunha campaña para proxectar o galego en Internet. Os cinco gañadores impuxéronse nunha listaxe de 14 finalistas que completan "As liñas das túas mans", "As verbas perdidas", "Clase media 2.0", "Babel II", "Espiritismo", "Lección de xeografÃa", "Se non tivese medo", "Ratos" e "A derrota".
O primeiro premio consiste nun Ipad e unha cámara goPro, o segundo, nun Kindle e un disco duro externo e o terceiro, nun lote de libros, un dominio gratuÃto durante un ano e merchandising de PuntoGal, agasallos estes últimos que tamén recibirán os dous mellores relatos. Tanto os relatos gañadores como os demais finalistas serán publicados.
O conselleiro de Presidencia, Xustiza e Deportes, Diego Calvo, anunciou hoxe que o Consello acordou que 'iniciar a elaboración dos orzamentos da comunidade autónoma para o vindeiro ano'. Deste xeito, o Executivo autonómico avaliou un informe presentado pola ConsellerÃa de Facenda e Administración Pública sobre a Orde pola que se ditan instrucións para a elaboración dos presupostos de 2026, que marcan as bases do Plan financeiro do Goberno galego para o ano próximo. Calvo resaltou que mentres Galicia 'comeza a traballar nas contas de 2026, o Goberno de España segue funcionando coas de 2023'.
O Consello da Xunta aprobou o decreto que declara Ben de Interese Cultural a Ofrenda do Antigo Reino de Galicia ao considerar acreditado o seu valor sobranceiro como patrimonio inmaterial do pobo galego, o que supón a aplicación do réxime de tutela da Lei de Patrimonio cultural e, polo tanto, o maior nivel de protección. Esta declaración chega tras recibir os informes favorables dos catro órganos aos que se lle solicitou: o Consello da Cultura Galega, o Museo do Pobo galego, o Instituto de Estudos Galegos Padre Sarmiento e a Facultade de Humanidades da Universidade de Santiago de Compostela. Ademais, no proceso de exposición pública para o seu recoñecemento non rexistrou ningunha alegación.
