sábado, 16 de mayo de 2026
Todos os concertos serán no Paraninfo da Universidade (con entrada libre ata completar aforo) excepto o do 3 de marzo, que terá lugar na Real Sociedade Económica de Amigos do País de Santiago de Compostela, e o do 10 de marzo, que desenvolverá a primeira parte na Igrexa e a segunda no Paraninfo. Os programados pola semana serán sempre ás 20.30 e os dos sábados ás 12.00 horas.
Programa
O ciclo comeza o luns 19 no Paraninfo coa actuación do guitarrista Manuel Pérez Vázquez e a saxofonista Andrea González Pérez. Continuará o sábado 24 horas coa violinista Valeria Martínez Malec, o pianista Jacobo Ramos Casariego e o saxofonista Manuel García Carrera.
O luns 26 actuarán Óscar Vázquez Valiño (trombón baixo), Sergio Gómez Rodríguez (piano) e Francisco Gaspar Tomás López. Xa o sábado 2 de marzo será a quenda dos violinistas Alfonso Sánchez Velazco, Paula Diz Parrondo e Javier Crugeiras Ríos.
O ciclo continúa o luns 5 de marzo cos recitais de Beatriz Sánchez Morales (frauta travesa), Andrea Ramos Diéguez (clarinete) e David Poghosyan Antonyan (violín). O concerto do sábado 10 correrá a cargo de Adrián Regueiro García (órgano) e o dúo de voz e piano de Esperanza Mara Filgueira Rama e Estefanía Cereijo Omil.
Uxía Gómez Medal (violín), Yuri Durán Castro (piano) e María Rodríguez Estévez serán quen protagonicen o recital do luns 12; para continuar o ciclo o mércores 21 coa actuación de Buruktawit Martins González (violín), Martín Manuel Chaves Fraga (piano) e Manuel Doel Carreira.
O último dos concertos, o do sábado 24 de marzo, correrá a cargo de Ana María Senn Lozoya (piano) e do cuarteto de Clarinetes Tetramorph.
Un total de 596 centros de Primaria e Secundaria de toda Galicia van participar o vindeiro curso no programa de ensino híbrido E-Dixgal. A Consellería de Educación, Ciencia, Universidades e FP incorpora á iniciativa, a petición dos centros, dous colexios e deciden saír outros tres, de xeito voluntario. En concreto, os centros de nova incorporación son os colexios CEIP de Castrelo de Miño (Castrelo de Miño, Ourense) e o CEIP de Valeixe (A Caniza, Pontevedra). No que atinxe ás renuncias, son as do CEIP de Zalaeta (A Coruña), CEIP Península da Paz (Cervo) e a do Instituto Martaguisela (O Barco).
Durante seis días do mes de setembro, a cidade de Vigo acollerá un ciclo de concertos único que reunirá diferentes xeracións, estilos musicais e públicos nunha contorna privilexiada: o peirao de transatlánticos do Porto de Vigo, un espazo aberto ao Atlántico e situado en pleno corazón da ría de Vigo. Son e Mar combina música, identidade cultural e experiencia colectiva nunha programación pensada para todos os públicos. Ao longo do ciclo, preto de 50 artistas pasarán polo escenario principal e espérase unha asistencia superior ás 35.000 persoas entre todos os eventos programados.
