Notas de prensa

O desfile do Meco abre o programa do Entroido compostelán que o martes 13 celebra o seu tradicional desfile

O Meco é un ano máis o protagonista do Entroido en Santiago. A figura deseñada por José Manuel Méndez arranca o sábado 10 de febreiro o seu xa tradicional desfile dende a praza de Cervantes ata a do Toural, á fronte dunha festeira comitiva animada polas comparsas Os Conformistas de Conxo e A Ruliña de Laraño.

Chegado ao Toural, arredor das 20:30 horas, subirá aos balcóns do Pazo de Bendaña para presidir dende alí os actos festivos programados para todo o Entroido. Co Meco instalado neste privilexiado outeiro, o pregón das festas correrá a cargo de Carlos Santiago e a banda convidada IGMIG.

Charanga, concerto e festival de disfraces para o domingo

As actividades proseguen o domingo 11 a partir das 10:30 horas e durante toda a mañá con animacións de rúa por conta de Os Conformistas de Conxo. A comparsa principiará no Centro de Maiores de Conxo un itinerario que transitará pola praza Roxa, a Alameda e diversas rúas do casco histórico compostelán ata chegar á rúa do Franco.

Ás 12:00 horas, o Teatro Principal acollerá o concerto entre a Banda Municipal de Música de Santiago e o Grupo Píscore, unha nova compañía de música e comedia xestual que anova a escena do humor do país. No programa Concerto singular, o grupo e maila Banda ofrecerán un espectáculo musical e humorístico realmente especial con entrada de balde.

Xa na tarde, a partir das 16:30 horas, terá lugar o festival infantil de disfraces na Sala Capitol. Obradoiro de maquillaxe, música e premios nunha festa con entrada de balde e animada por A Run Run: Xogos e Enredos. O concurso de disfraces outorgará tres agasallos en cada categoría: aos disfraces de grupos, por parellas e individuais. Poderán participar no concurso nenas e nenos ata os 14 anos e as inscricións deberán realizarse entre as 16:30 e as 17:45 horas na propia sala.

Obradoiros de Entroido

O programa de festas continúa o luns 12 ao mediodía no Pazo de Bendaña. A sede da Fundación Granell acollerá distintos obradoiros cos que aprendermos a facer todo canto se precisa para disfrazarse ao xeito: caretas de boteiro, traxes de pirata, garabatas, gafas e sombreiros. A entrada tamén é libre e as prazas iranse ocupando por orde de chegada.

Desfile do martes de Entroido

O martes 13 de febreiro, ás 17:00 horas, a avenida de Ferrol servirá de punto de encontro para as carrozas, comparsas e charangas que participen no desfile. A principal novidade deste ano é que o punto de partida muda a esta rúa por mor das obras que se están executando na estación de ferrocarril. A Sala Capitol será nesta ocasión o escenario da entrega dos premios ás mellores carrozas, comparsas, grupos, parellas e disfrace individual, así como para as mellores comparsas procedente das parroquias e barrios de Santiago.

O prazo para participar no desfile concurso segue aberto. As inscricións deben formalizarse no Departamento de Festas, localizado no Teatro Principal, antes das 14:00 horas do 12 de febreiro. Para as carrozas haberá tres premios de 3.000, 2.000 e 1.000 euros. No caso das comparsas, que estarán compostas por un mínimo de 15 persoas, entregaranse premios de 2.400, 2.000 e 1.000 euros. Na categoría de grupos, formados por entre 6 e 15 persoas, hai tamén tres premios, de 800, 400 e 200 euros.

Gabinete de Comunicación do Concello de Santiago de Compostela, 2018-02-09

Actualidad

Foto del resto de noticias (mundial_xadrez_cadete.jpg) O Campionato Mundial de Xadrez Cadete está organizado polas federacións galega, española e internacional de xadrez, co apoio da Xunta de Galicia, o Concello de Santiago de Compostela, a Deputación da Coruña e o Consejo Superior de Deportes. Ademais, colaboran neste evento a asociación de empresarios Compostela Monumental, GADIS, AENA, Área Central, LaLiga4Sports e Chess24. A cerimonia de clausura contou coa presenza do presidente da Federación Internacional de Xadrez (FIDE), Arkady Dvorkovich, e os seus homólogos na federación española e galega, Francisco Javier Ochoa de Echagüen e Gaspar Pérez Carnero.
Foto de la tercera plana (obradoiros_sabores.jpg) Os Obradoiros de Sabores son un espazo especialmente deseñado para dar a coñecer os produtos da pesca, o marisqueo e a acuicultura, así como da industria agroalimentaria galega, aos representantes máis relevantes dos sectores da comercialización por xunto, importadores e cos restauradores do país. Nel a prensa especializada tamén ten un lugar relevante, transformando esta iniciativa deste xeito nun escaparate dos produtos galegos comercializados nese país.

Notas

A 3ª edición de SóLODOS EN DANZA / OURENSE / 2018, Festival Internacional e Certame de Creación de Dúos e Solos que terá lugar no Auditorio Municipal de Ourense os días 23 e 24 de novembro 2018. A terceira edición contará con artistas de Galicia, País Vasco, Madrid, Cataluña, Asturias, Alicante, Valencia, Santander, Zaragoza, Murcia, Albacete, Sevilla, Portugal, México, Costa Rica, etc.
A Delegación da Xunta en Madrid/Casa de Galicia acolleu a presentación de “Todos tenemos un muerto”, terceira novela do médico santiagués afincado en en Lugo, Francisco Javier Neira Pampín, editada por GaliciaDigital, escrita cunha prosa áxil, con todos os ingredientes do xénero policíaco e na que non falta o seu toque de humor persoal.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania