Notas de prensa

A Xunta alerta dun temporal de nivel laranxa que dará comezo o mércores 22 de novembro na costa da Coruña

Estará tamén activa a alerta laranxa por vento nas provincias de Lugo e da Coruña. A partires das 9,00 horas de mañá quedan suspendidas as actividades escolares ao aire libre na provincia da Coruña e na Mariña de Lugo. A Xunta recorda a necesidade de extremar as precaucións, seguir as medidas de protección pertinentes e consultar a súa web www.112galicia.org

A Dirección Xeral de Emerxencias e Interior da Vicepresidencia da Xunta alerta dun temporal costeiro de nivel laranxa que afectará ao litoral da provincia da Coruña a partir de mañá, e que se suma a alerta laranxa por vento que estará activa tamén a partir de mañá ás 9,00 nas provincias de Coruña e Lugo.

Segundo informa a Axencia Estatal de Meteoroloxía (Aemet) espérase, a partir das 12 horas, mar combinada do oeste noroeste, con ondas entre 5 e 6 metros, que afectará ao noroeste e oeste da provincia da Coruña.

Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación aos concellos das provincias afectadas; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.

Tamén recórdaselle á poboación a importancia de seguir as medidas de protección como evitar aproximarse a diques ou rompentes co fin de previr un eventual golpe de mar que poida arrastrar persoas ou obxectos ou vixiar posibles caídas de obxectos desde balcóns e fiestras. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.

Suspensión de actividades escolares no exterior

Así mesmo a Comisión Escolar de Alertas da Consellería de Cultura, Educación e Ordenación Universitaria decretou a suspensión das actividades no exterior das instalacións dos centros educativos situados nos concellos das zonas afectadas por alerta de vento, isto é, en toda a provincia da Coruña e na Mariña de Lugo; a partires das 9,00 horas de mañá mércores.

Diante da eventual extensión do adverso de rachas de vento, de acordo coa previsión da Aemet, prégase que os centros das zonas afectadas realicen un seguimento especial das condicións meteorolóxicas. Para o caso de que as circunstancias da localidade onde se atopa o centro supuxesen un risco superior ao declarado, a dirección do centro poderá adoptar as decisións oportunas respecto das actividades no exterior do centro educativo ou sobre as actividades extraescolares.

Gabinete de Comunicación da Xunta de Galicia, 2017-11-21

Actualidad

Foto del resto de noticias (bioincubatech.jpg) A primeira incubadora galega do sector biotecnolóxico, converterase nun verdadeiro viveiro de oportunidades de investimento de alta rendibilidade permitindo a incubación de 40 novas bioempresas en Galicia. BioIncubaTech, da que xa manifestaron o seu interese en participar máis de 30 empresas tratoras como Inditex, Coren, Finsa ou Biofabri, enmárcase na Estratexia galega de impulso á biotecnoloxía 2016-2020, que ten entre os seus principais eixos de acción o de fomentar a transferencia de coñecemento ao mercado.
Foto de la tercera plana (economia_4.jpg) Galicia continúa sendo a comunidade autónoma que mellor paga aos seus provedores, ao acadar no mes de agosto un período medio de pago de 14 días, fronte aos 38 días de media autonómica, segundo os datos oficiais do mes de referencia publicados hoxe polo Ministerio de Facenda. Neste mes, o período medio de pago de Galicia situouse 16 días por debaixo do límite que establece a normativa estatal, que é de 30 días. Pola contra, a media autonómica quedou en 38 días, o que ratifica que Galicia aboa os seus pagamentos 24 días antes que o conxunto das comunidades.

Notas

A Cidade da Cultura celebra este sábado a súa primeira foliada de outono co ‘Magosto no Gaiás’. Para celebrar esta cita cultural e gastronómica con tanto arraigo na cultura popular galega, non só se contará coas imprescindibles castañas senón que se adobiará a festa cos ritmos enxebres e enérxicos de Xosé Lois Romero & Aliboria.
O venres 19 de outubro tivo lugar na Casa de Galicia en Las Palmas de Gran Canaria a inauguración da exposición MANUEL RODRÍGUEZ LÓPEZ, sobre a vida e obra do escritor de Paradela. No devandito acto participaron Albino Aneiros, presidente da Casa de Galicia en Las Palmas, Marisa González Lagarón, membro da Xunta Directiva, e Antonio Giz en representación de GaliciaDigital.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania