lunes, 21 de septiembre de 2026
Pedro Puy considerou necesario que todos traballemos en base ás 30 medidas que trouxo o Presidente da Xunta ao pasado Pleno, así como todas aquelas iniciativas que partan da sociedade civil, os grupos parlamentarios e outras comisións que xa están funcionando.
Hai que tratalo de tal maneira que os acordos que adoptemos na Comisión de estudo permitan mellorar aquelo que sexa posible na loita contra os lumes e avanzar na boa ordenación forestal, a capacidade das administracións de sancionar ou dar instrumentos para actuar na limpeza das fincas, apuntou.
O portavoz popular lembrou que a vaga de incendios do pasado mes de outubro foi protagonista da actividade parlamentaria nas últimas catro semanas, co que asegurou que a institución estivo á altura das circunstancais. En concreto, citou a comparecencia no Pleno tanto do Presidente da Xunta como da conselleira do Medio Rural; a resposta a tres interpelacións da propia conselleira; ou a resposta do Goberno galego a catro preguntas da oposición.
Ademais, na última sesión plenaria da pasada semana aprobáronse unha moción sobre a elaboración do Plan Forestal e dúas proposicións non de lei sobre a activación do plan de continxencias por contaminación mariña e a rexeneración ambiental.
Catro comisións parlamentarias (1ª, 7ª, 8ª e da CRTVG) tamén abordaron cuestións relacionadas cos lumes forestais, a través de cinco proposicións non de lei e catro preguntas.
Pedro Puy valorou, por outra banda, o compromiso do Goberno central, que estivo con Galicia antes, durante e despois da vaga de lumes. Aprobou un paquete de axudas de 13 millóns de euros para paliar os danos e atender aos afectados, que se suman aos 21 millóns de euros tamén aprobados pola Xunta, salientou.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
