martes, 28 de abril de 2026
A ConsellerÃa de Cultura, Educación e Ordenación Universitaria e a Fundación Galicia Sustentable celebran na Cidade da Cultura de Galicia o 1 de decembro ‘InquEDU: Falemos de EducaciónÂ’, unha xornada para compartir iniciativas, divulgar ideas e fomentar o debate a reflexión sobre propostas educativas innovadoras. Neste espazo, dirixido a educadores, escolares e familias, daráselle visibilidade a proxectos pedagóxicos para abordar a diversidade sexual e a cuestión de xénero na escola, ademais de iniciativas baseadas na música, nos idiomas ou no reforzo da presenza da lingua galega nas aulas.
A xornada ‘InquEDU’ celebrarase no Edificio CINC do Gaiás e dividirase en dúas partes. A quenda da mañá é de carácter pechado para as rapazas e rapaces dos centros educativos gañadores do concurso escolar para impulsar as competencias orais activas ‘ComunicaTedu’; mentres que a da tarde é aberta, con asistencia de balde para todos os públicos, previa inscrición na páxina web http://inquedu.galiciasustentable.org/.
Deste xeito, os estudantes participantes da mañá, ademais de expoñer os seus respectivos proxectos gañadores, poderán coñecer da man de Mark Wiersma, mestre de idiomas e música, a ópera pop futurista que irmanda galego e inglés ‘Sira e Robot’, un achegamento lúdico e didáctico ao inglés de interese para escolares e tamén para persoas adultas. Nestas actividades pechadas tamén participa o coñecido músico Roi Casal, dentro das charlas denominadas ‘Edumotiva’.
A diversidade sexual nas aulas O programa en aberto da tarde comeza coa presentación do evento por parte de Paco Castillo, docente e investigador, que ademais tirará proveito desta xornada para afondar na paisaxe coma obxecto de ensino e aprendizaxe. Seguiralle a charla de Cristina Palacios que leva por tÃtulo ‘Escola sen armariosÂ’. Esta traballadora social e docente abordará como transformar as escolas para que sexan espazos seguros cara a diversidade sexual. A continuación Lola Ferreiro DÃaz, doutora en medicina e especialista en educación, saúde e perspectiva feminina, abordará a coeducación global na familia e na escola.
A variada programación da xornada da tarde permitirá coñecer o “Proxecto educativo Semente Compostela” da man do educador e activista Sechu Sende, que virá a amosar os resultados obtidos con esta iniciativa, impulsada hai cinco anos por unha comunidade de familias e persoas colaboradoras co obxecto de reforzar a galeguización das xeracións máis novas.
Tras o faladoiro “A ilusión dun cambio”, a cargo de Laura Adela Fernández Blanco, profesora do CPI de Atios, Valdoviño, e da intervención de Juan SanmartÃn para contar en que consiste o ‘Flipped ClassroomÂ’, a xornada clausurase co obradoiro de divulgación, con alta dose de show didáctico, de Vicente Mohedano que forma parte do proxecto Peripeciencia.
O programa ‘InquEDUÂ’ tamén conta como actividade complementaria as charlas e presentacións, coa exposición ‘Somos paisaxeÂ’, cedida para este dÃa pola ConsellerÃa de Medio Ambiente e Ordenación do Territorio e que poderá verse ao longo de toda a xornada no edificio CINC.
Na páxina web da Cidade da Cultura –www.cidadedacultura.gal– cóntase con toda a información polo miúdo sobre o programa da xornada e tamén sobre onde poder facer a inscrición nas charlas e actividades abertas ao público.
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, PacÃfica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da TinerÃa.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vÃa de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
