Notas de prensa

O número de solicitudes presentadas no rexistro de vivendas de uso turístico supera xa as 4.200 en toda Galicia

O número de vivendas de uso turístico cuxos propietarios presentaron xa a súa solicitude para operar en Galicia avanza a bo ritmo. Desde que o novo decreto que regula este tipo de aloxamentos entrara en vigor, no mes de maio, a cifra non deixou de medrar e a día de hoxe se contabilizan máis de 4.200 peticións.

Por provincias, Pontevedra é o territorio onde máis solicitudes foron presentadas ata a data, cando supera as 2.250. Na Coruña, pola súa banda, a cifra de peticións formuladas neste rexistro roza as 1.360. Séguenlle Lugo con preto de 540 e Ourense, con ao redor de 80.

Flexible e de sinxela aplicación

O decreto de vivendas de uso turístico supón unha resposta á realidade actual e tamén unha oportunidade para quen, ben como propietario ou como inquilino, aposta por este tipo de aluguer turístico. Neste sentido, a Xunta optou por un modelo flexible e de moi sinxela aplicación á hora de poder regular estas vivendas. En comparación con outras comunidades autónomas é, de feito, un dos decretos menos restritivos. A súa redacción realizouse da man do sector, recollendo as súas inquedanzas, para así elaborar un decreto consensuado.

A súa continuidade foi confirmada o pasado mes de xullo polo Tribunal Superior de Xustiza de Galicia, ao desestimar na súa totalidade a solicitude de suspensión cautelar reclamada por unha asociación. No auto emitido entón, o máximo órgano xudicial da Comunidade sinalou que o decreto de vivendas de uso turístico non limita nin restrinxe a competencia, senón que pon en orde a oferta nun ámbito relevante, incrementando a seguridade de que os ofertantes se acomoden a unhas mesmas esixencias e a garantía para os consumidores.

As vivendas de uso turístico, tal e como indica o citado decreto, son as cedidas a terceiras persoas dúas o máis veces ao ano, a cambio dunha contraprestación económica, para unha estancia inferior a 30 días. A regulación determina que a cesión debe ser pola totalidade e a comercialización pode realizala os seus propietarios ou empresas turísticas reguladas.

Para comezar a operar, só é preciso presentar unha Declaración Responsable de Inicio de Actividade. Deberase cubrir o modelo normalizado, dispoñible na páxina web de Turismo de Galicia, así como o xustificante de pago das taxas de clasificación turística de 56,82 euros.

Axencia de Turismo de Galicia, 2017-08-16

Actualidad

Foto del resto de noticias (bioincubatech.jpg) A primeira incubadora galega do sector biotecnolóxico, converterase nun verdadeiro viveiro de oportunidades de investimento de alta rendibilidade permitindo a incubación de 40 novas bioempresas en Galicia. BioIncubaTech, da que xa manifestaron o seu interese en participar máis de 30 empresas tratoras como Inditex, Coren, Finsa ou Biofabri, enmárcase na Estratexia galega de impulso á biotecnoloxía 2016-2020, que ten entre os seus principais eixos de acción o de fomentar a transferencia de coñecemento ao mercado.
Foto de la tercera plana (economia_4.jpg) Galicia continúa sendo a comunidade autónoma que mellor paga aos seus provedores, ao acadar no mes de agosto un período medio de pago de 14 días, fronte aos 38 días de media autonómica, segundo os datos oficiais do mes de referencia publicados hoxe polo Ministerio de Facenda. Neste mes, o período medio de pago de Galicia situouse 16 días por debaixo do límite que establece a normativa estatal, que é de 30 días. Pola contra, a media autonómica quedou en 38 días, o que ratifica que Galicia aboa os seus pagamentos 24 días antes que o conxunto das comunidades.

Notas

A Cidade da Cultura celebra este sábado a súa primeira foliada de outono co ‘Magosto no Gaiás’. Para celebrar esta cita cultural e gastronómica con tanto arraigo na cultura popular galega, non só se contará coas imprescindibles castañas senón que se adobiará a festa cos ritmos enxebres e enérxicos de Xosé Lois Romero & Aliboria.
O venres 19 de outubro tivo lugar na Casa de Galicia en Las Palmas de Gran Canaria a inauguración da exposición MANUEL RODRÍGUEZ LÓPEZ, sobre a vida e obra do escritor de Paradela. No devandito acto participaron Albino Aneiros, presidente da Casa de Galicia en Las Palmas, Marisa González Lagarón, membro da Xunta Directiva, e Antonio Giz en representación de GaliciaDigital.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania