jueves, 17 de julio de 2025
O concerto de Los40 reunirá no escenario da praza da Quintana, con entrada libre, a Miss Caffeina, Shinova, Luis Brea y El Miedo e Druso. Noa Morales explicou que o cartel "está especialmente pensado para a mocidade", e invitou aos rapaces e rapazas a asistiren a un concerto "cheo de grupos que van dar moito que falar nos próximos tempos". A edil lamentou que a Ascensión coincida este ano en temporada de exames para os universitarios, pero invitounos "a facer un alto nos seus labores de estudo para non perder esta cita musical de primeira".
26 anos de concerto de Los40
O director rexional da Cadena SER en Galicia lembrou que o concerto de Los40 "lévase celebrando 26 anos na Ascensión, o que demostra o compromiso da emisora coas festas compostelás". Jordi Jordá tamén reivindicou o papel desta cita musical "na posta en valor de grupos novos, tamén galegos".
Nesa liña afondou Gabi Davila, que lembrou que o primeiro concerto de Los40 na Ascensión "foi na praza Roxa, con Celtas Cortos, e a partir de aà esta cita non deixou de medrar e tivo que ser trasladada primeiro ao Multiusos de Sar e despois á Quintana". O coordinador rexional da Cadena SER explicou que nesta edición "déuselle unha volta ao estilo habitual neste concerto, vinculándoo á estrea de Trending on Stage, a nova aposta de Los40".
Artistas virais na rede
Gabi Davila salientou que os artistas que participarán nesta cita da Ascensión "son novos valores que están impulsando a súa carreira a través de Internet, e que se converteron xa en virais na rede". O concerto abrirase ás 21:00 horas con Druso, "un cantante, compositor e multiinstrumentista galego, que é a nova aposta de Subterfuge Records, responsable por exemplo do éxito de Dover".
A continuación tocarán Luis Brea y El Miedo, que segundo explicou Davila, "foron unha das sorpresas do indie estatal, e veñen de namorar cun novo traballo cheo de temas da maior calidade". En canto a Shinova, o coordinador rexional da SER apuntou que, "con tres discos publicados, xa son toda unha referencia no panorama musical", e animou a "descubrir a vinculación desta banda con Galicia, que se pode ver a través dos temas do seu último traballo".
Por último, Gabi Davila lembrou a traxectoria ascendente de Miss Caffeina, o grupo que pechará o concerto de Los40. Segundo apuntou, "foron escollidos como unha das bandas preferidas polos asistentes a festivais de España do pasado 2016". Están presentando o seu novo disco, Detroit, publicado en febreiro.
O concerto de Los40 é con entrada libre ata completar aforo, e estará conducido polo xornalista musical Arturo Paniagua.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no perÃodo anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da ConsellerÃa do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento. Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola ConsellerÃa de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
