viernes, 2 de mayo de 2025
O programa da terceira edición do Festival Internacional de Cine Rural Carlos Velo (FICCVelo) comezou na Facultade de Ciencias da Comunicación coa presentación e proxección do documental ‘Cesteando’ a cargo do seu director Plácido Romero e do protagonista Toño de Val. A cinta ofrece unha poética e orixinal reflexión contemporánea sobre a liberdade persoal no mundo rural galego a través da historia de vida do seu protagonista, un cesteiro que vive en Lobeira, na Serra de Laboreiro. Con anterioridade a esta estrea, o vicerreitor de Comunicación e Coordinación, Xosé Pereira, o decano da Facultade, Xosé R. Pousa, asà como representantes das diversas entidades colaboradoras presentaron o programa do certame.
Entre o 14 e o 16 de decembro na propia Facultade compostelá, este Festival Internacional presentará ao público unha retrospectiva inédita arredor dos fondos do arquivo da Mediateca do Ministerio de Agricultura, Pesca, Alimentación e Medio Ambiente e a proxección dos dez traballos finalistas seleccionados entre as obras documentais e de ficción recibidos a concurso. A cada unha destas proxección precederaa unha serie de mesas redondas sobre o rural de Galicia e a súa relación coa produción audiovisual. O FICCVelo acollerá ademais o estreo dunha obra de produción propia sobre Carlos Velo en México asà como debates sobre a necesidade de recuperar e manter viva a memoria material e inmaterial dos pobos do mundo.
Nesta edición, o certame recibiu preto de 200 obras procedentes de España, Uganda, Italia, Arxentina, Luxemburgo, Venezuela, Reino Unido, Rusia, Noruega, Colombia, Francia, Brasil, Serbia, SuÃza, Xeorxia, asà como de Galicia, entre outros. Do total, unicamente 70 superaron a primeira fase de selección, un proceso que involucra a alumnado da USC en colaboración coa Comisión de Selección para recoller as dez obras finalistas sobre as que posteriormente deliberará o xurado e cuxo ditame darase a coñecer o 16 de decembro na Cerimonia de entrega de premios e clausura do festival.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomÃa, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
