sábado, 18 de mayo de 2024
A Xunta de Galicia, en colaboración coa ONGD Farmamundi, activou unha resposta de emerxencia para atender á poboación haitiana afectada polo furacán Matthew. O custe da intervención é de case 7.000 euros e ten por obxecto a adquisición e distribución de artigos de primeira necesidade como alimentos, auga en botella, kits hixiénicos, mantas ou mosquiteiras.
Nesta ocasión, Farmamundi colaborará co Movemento Socio-cultural para os traballadores Haitianos (MOSCHTA), unha organización sen fins de lucro que vén traballando desde o ano 1985 en sectores empobrecidos en Dominicana e HaitÃ. Ambas organizacións traballan xuntas desde 2003 na mellora da situación socio-sanitaria da poboación máis vulnerable, fortalecendo as capacidades das redes locais e dos servizos de saúde.
O martes, 4 de outubro, o furacán Matthew alcanzou territorio haitiano causando unha gran devastación e inundacións. Matthew, con ventos de ata 220 quilómetros por hora, foi catalogado como o furacán máis poderoso no Caribe dende o Félix en 2007. A traxectoria do furacán atravesou a rexión sur de HaitÃ, cruzando cara o norte, e deixando efectos devastadores nos departamentos Sur, Nippes, Grand Anse, Oeste, Artibonito e Sudeste.
Segundo datos achegados polo MOSCHTA, a totalidade da costa sur está devastada e hai arredor dun millar de mortos e decenas de miles de persoas refuxiadas en albergues. Entre as necesidades especificadas polos organismos de socorro está a provisión de auga potable, alimentos, medicamentos, kits de hixiene, pastillas potabilizadoras, mantas, etc. A maior urxencia é a de provisión de kits de hixiene, mantas e principalmente mosquiteiros, para facer fronte a enfermidades transmitidas por mosquitos, como dengue, malaria, zica, que soen proliferar con este tipo de emerxencias.
Colaborando desde 2009
Esta actuación súmase a outras que Xunta e Farmamundi realizan conxuntamente dende o ano 2009 no marco dos oito convenios de colaboración asinados para atender as necesidades máis urxentes das poboacións afectadas por catástrofes de orixe natural ou humano. O convenio deste ano asinouse o pasado decembro por importe de 50.000 euros.
Estes convenios establecen que as actuacións deben prestar especial énfase aos colectivos máis vulnerables, mediante a provisión inmediata de bens e servizos esenciais para a supervivencia -auga, abrigo, medicamentos, atención sanitaria u outro material de primeira necesidade-, en paÃses e poboacións de menor Ãndice de Desenvolvemento Humano.
Ao longo destes anos de colaboración, a Xunta e Farmamundi teñen activado este tipo de resposta inmediata ante diferentes emerxencias acaecidas, como os tifóns Ketsana e Haiyan en Filipinas, o furacán Ida no Salvador, o terremoto e a epidemia de cólera en HaitÃ, a crise humanitaria en Somalia e a República Democrática do Congo, as emerxencias por mor das choivas no Salvador e Nicaragua, a crise alimentaria no Sahel ou o conflito en Siria.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, o que supón un incremento de case un 3% respecto ao ano anterior. Estes datos enmárcanse no traballo conxunto desenvolvido nos últimos anos pola Xunta e Ecoembes (organización sen ánimo de lucro que coordina a reciclaxe dos envases domésticos en todo o paÃs) para mellorar o depósito, recollida e posterior recuperación deste tipo de residuos no conxunto da comunidade galega. Segundo os datos correspondentes ao ano 2023, en Galicia recuperáronse un total de 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de latas e outros envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
