miércoles, 29 de abril de 2026
O xurado destacou desta asociación a súa promoción dos valores de tolerancia, diversidade e integración, asà como o seu importante rol na promoción da identidade europea. Durante o acto de entrega a presidenta de CIRCOM, Tone Kunst, puxo en valor a importancia que a transmisión de valores ten no traballo en rede desta asociación, da que son parte máis de 10.000 xornalistas. O seu secretario xeral, Fernando Ojea, anunciou que a contribución económica do premio –6.000 euros– foi concedida ao Consello de Europa para facilitar a participación de mozos sirios no campamento de paz que organizan cada verán, no que se promove o diálogo intercultural entre a mocidade de diferentes paÃses.
A xuntanza, á que asistiu o reitor Juan Viaño, foi tamén escenario dos premios da primeira edición do Research Pitches Contest organizado pola Universitat Jaume I, que tras esta edición piloto se estenderá o próximo ano a todas as universidades membro do CGU. A terceira edición dos Diálogos Compostela en Educación e a segunda edición dos Compostela Café, ambos os dous centrados na ética na educación superior e nos seus procesos de internacionalización, completaron o programa destas xornadas académicas que reuniron máis de 60 representantes dunha trintena de institucións de educación superior.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuÃto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
