sábado, 21 de junio de 2025
O profesor de sueco e tradutor, entre outras obras, da saga Millenium de Stieg Larson, Martin Lexell, participa este martes nunha xornada sueca que organiza o Centro de Linguas Modernas (CLM) da USC no marco do curso intensivo de verán de sueco cuxa matrícula remata este xoves 30.
Nesa sesión, que dará comezo ás 17 horas no Café de Linguas do CLM na Biblioteca Concepción Arenal, Lexell conversará cos asistentes sobre a transmisión da cultura sueca ao español.
A mesma xornada inclúe unha fika, a tradicional pausa do café en Suecia, con kanelbullar (bolos de canela), e unha clase piloto do idioma sueco.
O festival desenvolverase no adro da sede da SGAE no parque de Vista Alegre, en Santiago de Compostela. O primeiro en ocupar o escenario será o rimador de Muros 9Louro, talento emerxente que segue a pegada doutros coñecidos grupos muradáns, como The Rapants ou Capital Voskov. Este mesmo ano lanzou o seu primeiro traballo discográfico, Nove noves, cunha variada mestura de funk, bachata, reguetón, trap e pop. A continuación, será a quenda da viguesa de ascendencia brasileira Lua de Santana. O dúo compostelán Boyanka Kostova pechará o festival Acento 2025 coa súa proposta retranqueira, na que o urbano e os sons máis contemporáneos conviven co tradicional.
O secretario xeral de Industria e Desenvolvemento Enerxético, Nicolás Vázquez, interveu na Conferencia da Alianza de Rexións Europeas con Industria da Automoción, onde defendeu a necesidade de que os fondos europeos que permiten apoiar os sectores industriais sigan sendo xestionados polas rexións. No encontro, celebrado no marco dos traballos para avanzar no Plan de Acción para o sector do automóbil que presentou a Comisión Europea en marzo, Nicolás Vázquez remarcou que Galicia é partidaria de que se manteña a descentralización dos fondos de cohesión.
