jueves, 16 de octubre de 2025
O concelleiro de Culturas, Deporte e Coñecemento, José Manuel Sande, presentou a nova edición do festival de fotografía Visions, que terá lugar entre os días 19 e 21 de agosto. A iniciativa, promovida polo Colectivo 15001, naceu no ano 2013 obxectivo de achegar a fotografía á cidadanía e dinamizar espazo público na Cidade Vella a través da actividade creativa. O concelleiro salientou o respaldo do Concello a unha proposta "de xestión cidadá", que nace "dunha iniciativa que provén da propia comunidade creativa". "Este Goberno local ten un reto por diante, que é resolver a relación co tecido cultural coa cidade e as súas distintas plasmacións", expuxo Sande, "polo que pretende favorecer a convivencia de distintos modelos de xestión cultural". Neste sentido, o responsable municipal sinalou que Visions "é un exemplo" de iniciativa "de como o Concello pode acompañar" as propostas cidadás "sen caer en tutelaxes nin dirixismos". A cuarta edición do festival, na que se realizarán distintos obradoiros e actividades gratuítas e abertas á participación cidadá, contará por vez primeira cunha arista convidada, a fotoxornalista Bandía Ribeira, gañadora Premio de Creación Fotográfica Luis Ksado.
Nun avance da programación desta edición, o seu coordinador, Marcos Ferreiro, sinalou que este ano se realizarán distintas actividades gratuítas "na rúa, sempre que o permita a meteoroloxía", para fomentar "a participación cidadá", e complementarias á presentación dos traballos das e dos fotógrafos, "que se fai dunha forma lixeira e cómoda a través de proxeccións" no espazo público. Entre outras actividades, profesionais como Javier Trigales ou a propia Bandía Ribeira ofrecerán distintos talleres ás e aos asistentes; realizaranse debates, obradoiros de fotografía analóxica e revelado ou de encadernación artesanal; un mercado popular de venda e intercambio de elementos do universo da fotografía e o Fotocircus, o obradoiro de fotografía analóxica dirixido ao público infantil que este ano dirixirá Alberto López, profesor do CEIP Ponte dos Brozos (Arteixo). Ademais, e desde o 12 de agosto, exhibiranse 5 mostras en papel en distintos espazos da Cidade Vella: Morte Terra, de Matteo Bertolino; Prospekt Moskow, de Simone Maestra; Latexos, de Luis Botana, Life is great, without it you'd dead, de Bandía Ribeira; e unha escolma da obra de Yorgos Karalia.
Unha das novidades principais desta cuarta edición será a posta en marcha dun concurso de videografías "para facilitar a súa exhibición en distintas localizacións da Cidade Vella", sinalou Alberto Pombo, un dos promotores de Visions. A iniciativa, de temática libre, é aberta a todo o público, en especial a todas aquelas persoas con interese nesta disciplina, sexan profesionais ou non. Os proxectos presentados deberán ser orixinais, ter unha duración máxima de 3' 30''', ter como formato o vídeo mp4 codec H264 e deberán enviarse, desde mañá, 18 de xuño, até o vindeiro 1 de agosto, á dirección premio@visionsfest.net. Un xurado escollerá 12 traballos finalistas, que serán proxectados os días 19 e 20 de agosto e estarán publicados na web do festival, onde mediante votación popular, serán escollidos os proxectos gañadores.
O festival realiza a noite do 18 de xuño, a partir das 21 horas, unha presentación aberta ao público na praza de Santa María, na que se proxectarán traballos de artistas que formaron parte da programación nas anteriores edicións, e actuarán Jauja e Daria Ruzaykina.
Para máis información sobre Visions, pode consultarse a páxina web do festival, www.visionsfest.com
O Roteiro dos Faros percorre o norte de Galicia e visita Cabo Ortegal, o miradoiro de Vixía Herbeira, o Santuario de Santo André de Teixido e o Cabo Estaca de Bares. Os participantes tamén poden coñecer Viveiro e os cantís de Loiba. Este itinerario do Roteiro dos Faros desenvólvese nos meses de xuño a setembro. En 2025, o programa de Trens Turísticos de Turismo de Galicia alcanzou se un 92,15% de ocupación nas prazas á venda. As rutas nas que practicamente esgotaron a totalidade das prazas foron as dos Queixos, Ribeira Sacra-Miño, Rías Baixas, Ribeira Sacra-Sil e Faros.
A cuarta edición do festival de maxia Galicia Ilusiona pecha esta fin de semana en Ferrol a súa programación anual de galas, que ampliou este ano o seu alcance, chegando a oito localidades galegas. A programación inclúe a presenza de artistas internacionais multipremiados que visitan Galicia por primeira vez, como Seimei, un mago manipulador coreano premiado coa variña de ouro de Monte Carlo; a Compañía Mag Edgard, premiada co premio FISM Turín 2025 a mellor espectáculo mundial; Nacho Samena, talento galego emerxente premio nacional de maxia 2024; David Burlet, artista carismático premio ao mellor malabarista francés durante 3 anos seguidos e o Mago Murphy, presentador e mestre de cerimonias con numerosos premios nacionais.
