jueves, 16 de octubre de 2025
Trátase da principal cita mundial para os profesionais deste sector cinematográfico, que este ano congrega unhas 8.250 persoas chegadas de 83 países.
A longametraxe Memorias dun home en pixama, que están a desenvolver en coprodución a compañía galega Ladybug Films e a catalá Dream Team Concept, presentouse esta mesma mañá como parte dos MIFA Pitches, programa de pitching do mercado do festival a través do que se dá a coñecer unha escolma dos mellores proxectos orixinais a nivel internacional. Esta é, ademais, a única longa española entre a vintena de títulos de diferentes formatos seleccionados para esta sección, á que optaban máis de 400 proxectos.
Tras a premiada Engurras, Memorias dun home en pixama volverá levar á pantalla grande unha novela gráfica de Paco Roca, quen nesta ocasión codirixe o filme xunto ao galego Carlos Fernández. Ángel de la Cruz e Jordi Mendieta encárganse da produción executiva do proxecto, para o que Ladybug Films conta cunha subvención da Consellería de Cultura e Educación a través da convocatoria de 2015 de axudas da Axencia Galega das Industrias Culturais (Agadic) á produción e coprodución audiovisual.
Competición oficial
Tamén recibiu axuda en 2012 a través desta mesma convocatoria a produtora compostelá Zircozine para coproducir xunto a Basque Films a longa Psiconautas, os nenos esquecidos, que compite na sección oficial do festival e se está a exhibir durante toda a semana en diferentes salas da localidade francesa. O coruñés Alberto Vázquez codirixe xunto a Pedro Rivero este título, que xa conta con premios á mellor longametraxe de animación nos festivais de Stuttgart (Alemaña) e Golden Kuker-Sofia (Bulgaria).
Alberto Vázquez foi seleccionado, así mesmo, na sección oficial de Annecy coa curta Decorado, que acaba de estrear na Quincena dos Realizadores do Festival de Cannes. Esta fita está producida por UniKo & Autour de Minuit coa participación de Alt Content e a compañía galega Abano Producións.
O Roteiro dos Faros percorre o norte de Galicia e visita Cabo Ortegal, o miradoiro de Vixía Herbeira, o Santuario de Santo André de Teixido e o Cabo Estaca de Bares. Os participantes tamén poden coñecer Viveiro e os cantís de Loiba. Este itinerario do Roteiro dos Faros desenvólvese nos meses de xuño a setembro. En 2025, o programa de Trens Turísticos de Turismo de Galicia alcanzou se un 92,15% de ocupación nas prazas á venda. As rutas nas que practicamente esgotaron a totalidade das prazas foron as dos Queixos, Ribeira Sacra-Miño, Rías Baixas, Ribeira Sacra-Sil e Faros.
A cuarta edición do festival de maxia Galicia Ilusiona pecha esta fin de semana en Ferrol a súa programación anual de galas, que ampliou este ano o seu alcance, chegando a oito localidades galegas. A programación inclúe a presenza de artistas internacionais multipremiados que visitan Galicia por primeira vez, como Seimei, un mago manipulador coreano premiado coa variña de ouro de Monte Carlo; a Compañía Mag Edgard, premiada co premio FISM Turín 2025 a mellor espectáculo mundial; Nacho Samena, talento galego emerxente premio nacional de maxia 2024; David Burlet, artista carismático premio ao mellor malabarista francés durante 3 anos seguidos e o Mago Murphy, presentador e mestre de cerimonias con numerosos premios nacionais.
