domingo, 25 de octubre de 2026
Para Bauman a sociedade actual caracterízase por un estado fluído e volátil, sen valores sólidos, no que a incerteza pola vertixinosa rapidez dos cambios debilitou os vínculos humanos, que agora son provisionais e precarios. A idea da mostra é, xa que logo, usar ese concepto como espello do momento actual e que cada autor ou autora constrúa unha imaxe que serva para reflexionar sobre todo isto. En esencia, crear imaxes sólidas dun mundo líquido.
A mostra Mundo líquido inaugurarase na Igrexa da Universidade nun acto no que participan a vicerreitora de Estudantes, Cultura e Responsabilidade Social, Dolores Álvarez, o responsable do Espazo de Fotografía da USC e de Fotoforum Compostela, Fuco Reyes, e todos os fotógrafos e fotógrafos participantes.
Consumismo, exceso de información como fonte da ignorancia, vínculos afectivos cada vez máis fútiles, soidade e vellez como conceptos denostados ou a creación como obxecto de consumo inmediato. Todos estas ideas que reflicten a modernidade da que fala Bauman subxacen na mostra Mundo líquido que se poderá visitar ata o 15 de xullo de luns a venres de 18.00 a 21.00 e os sábados de 11.00 a 14.00 horas.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
