sábado, 21 de junio de 2025
A Consellería de Cultura, Educación e Ordenación Universitaria, por medio da Secretaría Xeral de Política Lingüística, e mais a compañía galega de distribución alimentaria Vegalsa-Eroski colaboran para conmemorar o Día das Letras Galegas desde o ámbito socioeconómico. Fano por medio dunha campaña de difusión da efeméride e da figura do autor chairego Manuel María, a quen este ano a Real Academia Galega lle dedica as Letras Galegas. A través dela, 2.500.000 bolsas visibilizarán o 17 de maio e preto de 500 carteis difundirán nos establecementos Eroski-Center e Familia desta cadea comercial a figura, a vida e a obra do autor homenaxeado.
O secretario xeral de Política Lingüística, Valentín García, presentouna esta mañá no Eroski Center da Gándara (Narón), acompañado da directora de Relacións Institucionais e Responsabilidade Social Corporativa da compañía, Gabriela González, e salientou durante a súa intervención a importancia de que as empresas se comprometan coa promoción do uso do galego desde as súas accións de responsabilidade social.
Promover a lingua desde a RSE
Vegalsa-Eroski constitúe todo un exemplo no compromiso e na promoción do uso do galego desde a responsabilidade social corporativa dunha empresa radicada en Galicia que incorpora e implementa diferentes actuacións a prol do desenvolvemento cultural e lingüístico da nosa comunidade entre as liñas de traballo prioritarias destinadas aos seus grupos de interese, sinalou.
Carteis e bolsas para conmemorar as Letras Galegas
Unha tirada de 500 carteis dunha das dez imaxes que integran a mostra Soñando Galicia con Manuel María -coa que o CEIP Alfonso Daniel Rodríguez Castelao de Rianxo se fixo este ano co Premio do Concurso-Exposición Letras Galegas 2016- e dous millóns e medio de bolsas de edición especial contribuirán a visibilizar a celebración das Letras Galegas desde a cesta da compra dos establecementos Eroski-Center e Familia.
Trátase dunha acción que Vegalsa-Eroski engloba no seu compromiso cos atributos propios de Galicia, que teñen no idioma propio un dos seus máximos expoñentes, e que conta coa colaboración da Secretaría Xeral de Política Lingüística.
O festival desenvolverase no adro da sede da SGAE no parque de Vista Alegre, en Santiago de Compostela. O primeiro en ocupar o escenario será o rimador de Muros 9Louro, talento emerxente que segue a pegada doutros coñecidos grupos muradáns, como The Rapants ou Capital Voskov. Este mesmo ano lanzou o seu primeiro traballo discográfico, Nove noves, cunha variada mestura de funk, bachata, reguetón, trap e pop. A continuación, será a quenda da viguesa de ascendencia brasileira Lua de Santana. O dúo compostelán Boyanka Kostova pechará o festival Acento 2025 coa súa proposta retranqueira, na que o urbano e os sons máis contemporáneos conviven co tradicional.
O secretario xeral de Industria e Desenvolvemento Enerxético, Nicolás Vázquez, interveu na Conferencia da Alianza de Rexións Europeas con Industria da Automoción, onde defendeu a necesidade de que os fondos europeos que permiten apoiar os sectores industriais sigan sendo xestionados polas rexións. No encontro, celebrado no marco dos traballos para avanzar no Plan de Acción para o sector do automóbil que presentou a Comisión Europea en marzo, Nicolás Vázquez remarcou que Galicia é partidaria de que se manteña a descentralización dos fondos de cohesión.
