Notas de prensa

Alumnado de 3º da ESO dos colexios Salesianos e Divino Maestro de Ourense realizarán o Camiño de Santiago pola Rota da Prata (Rota Mozárabe)

Como novidade este ano é a participación de alumnado de dous centros de ensino de Ourense que faremos xuntos a rota mozárabe.
Esta experiencia desenvolvese dentro das actividades que o colexio salesiano e o Divino Mestre organiza para ofrecer aos seus alumnos e alumnas a oportunidade de vivir una experiencia cristiá, como complemento ao aprendizaxe teórico que se realiza habitualmente no centro educativo. Os valores que se viven estes días son moitísimos como a atención aos demais, o servizo, o esforzo, o descubrimento da natureza, o valor do grupo, o descubrir o necesario e innecesario na vida (camiño), descubrir a necesidade dos outros, o importante que é ter na vida (camiño) metas. No fondo, como peregrinos que facemos esta experiencia, é experimentar a vida como camiño.
É o decimo noveno ano consecutivo no que se realiza esta experiencia.
Os datos máis sobresalientes son os seguintes:
O martes 29 de marzo: entre 9'00 e 9:30 teremos a saída do colexio cunha reunión na aula magna do colexio, a bendición de peregrinos na igrexa parroquial de María Auxiliadora e a foto na estatua de San Xoán Bosco, diante do colexio salesiano, para ir ata Oseira en autobús e dende alí camiñar ata Laxe - Bendoiro (nas aforas de Lalín), onde un grupo durmirá no albergue de peregrinos de Laxe – Bendoiro e outro no pavillón. O xantar farémolo en Castro Dozón.
O mércores 30 de marzo: faremos o percorrido Laxe-Bendoiro (Lalín) – Oca, onde durmiremos no pavillón deportivo do centro escolar de Oca. O xantar farémolo na praza principal de Bandeira.
O xoves 31 de marzo: faremos o percorrido Oca-Compostela, onde durmiremos no Seminario Menor de Belvís no barrio de San Pedro de Compostela. O xantar farémolo pasando Ponte Ulla, na Capela de Santiaguiño en Vedra, ao carón do albergue de peregrinos.
Xuntarémonos ao final do día do xoves e toda a mañá do venres co alumnado de 3º de ESO dos colexios salesianos de Vigo, Lugo, A Coruña e Cambados que tamén farán o camiño de Santiago nestes días, un pola rota portuguesa – Vigo e Cambados – pola rota inglesa – A Coruña - e outra pola francesa – Lugo -. En total xuntarémonos no Seminario Menor e en Compostela preto de 160 rapaces/zas de 14/15 anos.
O venres 1 de abril pola mañá realizaremos os tradicionais actos dos peregrinos en Compostela (celebración do perdón e eucaristía, oración diante do apóstolo e visita á catedral) para regresar a Ourense en autobús esa mesma mañá e estar na nosa cidade de Ourense sobre as 14’30 horas.